Jármeńkege 160-tan astam jumys berýshi qatysýǵa niet bildirdi, olar óndiris jáne qyzmet kórsetý, onyń ishinde saýda, qoǵamdyq tamaqtaný, meditsina, bilim berý salasynda 3500-den astam bos jumys oryndaryn usyndy. Jármeńkege 3000-nan astam adam kelip, keńes aldy, bul rette 1000-nan astam izdenýshi jumysqa ornalastyryldy.
«Azamattardyń jekelegen sanattaryna: probatsiia qyzmetinde esepte turǵan, bas bostandyǵynan aiyrý oryndarynan bosatylǵan múmkindigi shekteýli adamdarǵa, sondai-aq aliment tóleý jónindegi boryshkerlerge erekshe nazar aýdaryldy. Ol úshin jármeńkege azamattardyń osyndai sanattary úshin jumys oryndaryn qurý boiynsha kvotalary bar jumys berýshiler shaqyryldy.
Bos oryndar jármeńkeleri – bul jastar úshin eńbek naryǵyn zertteýge jáne bir jerde birneshe jumys berýshilermen tikelei bailanys ornatýǵa tamasha múmkindik.
Jumys berýshiler úshin jármeńke óz kezeginde qolaily úmitkerlerdi tabý jáne jaldaý protsesin jeńildetedi. Is-shara jumys berýshiler úshin de, izdenýshiler úshin de óteýsiz negizde ótkiziledi.
Jármeńkeni Almaty qalasy ákimdiginiń qoldaýymen jumyspen qamtý jáne áleýmettik baǵdarlamalar basqarmasynyń «Almaty qalasy ákimdiginiń halyqty jumyspen qamtý ortalyǵy» KMM uiymdastyrdy», - delingen habarlamada.
