Almatyda "Balalardyń júgirý jarysy" jyl saiyn ótip turmaq
Balalardyń júgirýden jarysy tuńǵysh ret jeke sporttyq shara retinde ótkeli otyr. Saiysqa qatysýǵa 300 adam tirkelgen.
– Balalardyń júgirýi jarysy ózge de bairaqty básekelermen birdei jyl saiyn Almaty marafony aiasynda ótetin taǵy bir sharaǵa ainalmaqshy. Bizge Almaty marafony men jarystarǵa qatysýshylardan balalarǵa arnalǵan sharalardy uiymdastyrý nemese saiystarǵa 10 jastan kishi balalardyń qatysýyna ruqsat berý týraly ótinishter jii keledi. Sol sebepti biz balalarǵa arnalǵan jarysty ótkizý týraly sheshim qabyldadyq. Qashyqtyqtar kishkentai balalardyń ózdiginen eńserýine jaǵdai jasaý úshin jáne yńǵailylyq pen qaýipsizdikti eskere otyryp eseptelgen, – deidi Almaty marafonynyń direktory Saltanat Qazybaeva.
Júgirýmen ainalysýdyń kóptegen oń áseri bar – fizikalyq saýlyqty shyńdaý, uiqy, tábet pen mi qyzmetiniń jaqsarýy, sharshaýǵa qarsy tózimdiliktiń joǵarylaýy. Júgirý kezinde jalqaýlyqty jeńý keiin sabaq oqýǵa da jaǵymdy áser etedi. Oqýshylar úi jumysyn ońailyqpen oryndai alatyn bolady. Oiyn elementterin qosý arqyly balanyń júgirýge degen qyzyǵýshylyǵyn arttyrýǵa bolady. Osy arqyly bala júieli túrde júgirýge daǵdylanady. Bul rette júielilik pen josparlaý mańyzdy. Tek osy arqyly júgirý jas sportshynyń aǵzasyna oń yqpal ete alady.
– Shara jas júgirýshilerge jaqsy kóńil-kúi syilap, júieli túrde júgirýdiń bastamasyna ainalsa igi. Úlken qashyqtyqtarǵa júgirý mi jumysyn jaqsartady, ári meditatsiia ispetti. Júgirý kezinde kelgen qyzyqty ideialaryn álemdik hitke ainaldyrǵan adamdar týraly oqiǵalar kóp. Máselen, Google qyzmetkerleriniń birine júgirý kezinde Google Glass jasap shyǵarý ideiasy kelgen. Bizdiń qatysýshylarymyzdyń ishinenálemdik trendterdiń avtorlary shyǵatynyna kúmán joq, – deidi Saltanat Qazybaeva.
Ainur Jumahan
