Maqtaralda elektrondy qyzmettiń úlesi 55,2 %-ǵa jetti
Aýdan ákiminiń apparaty aqparattandyrý jáne memlekettik qyzmet kórsetý monitoringi bóliminiń uiymdastyrýymen ótken is-sharaǵa QR Memlekettik qyzmet isteri jáne sybailas jemqorlyqqa qarsy is-qimyl agenttiginiń OQO boiynsha departamentiniń ókilderi, aýdandyq halyqqa qyzmet kórsetý ortalyqtarynyń mamandary jáne memlekettik qyzmet kórsetetin aýdandyq derbes bólimderdiń jaýapty mamandary qatysty.
Aldymen jármeńkege qatysýshylarǵa memlekettik qyzmetterdi elektrondy túrde alýdyń joldary kórsetilgen úgit-nasihattyq paraqtar taratyldy. Jiyndy arnaiy ashyp bergen aýdan ákiminiń orynbasary Maqsat Joldasbekov Elbasynyń biylǵy jylǵy halyqqa arnaǵan "Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri" atty Joldaýyna sáikes, Maqtaral aýdanynda tsifrlandyrý, onyń ishinde memlekettik qyzmetterdi elektrondyq nusqada kórsetý boiynsha aýqymdy jumystar júrgizilip jatqanyn atap ótti. Sondai-aq, búgingi jármeńke arqyly aýdan turǵyndaryna úiden shyqpai-aq elektrondy túrde memlekettik qyzmet alýdyń joldary kórsetiletinin aitty.
Maqtaral aýdanynda jyl basynan beri memlekettik kórsetiletin qyzmetter tizilimine sáikes 91 qyzmet túri boiynsha 39317 qyzmet kórsetilgen bolsa, onyń 21205-i balamaly negizde berilgen. Odan bólek, aýdanda memlekettik qyzmettiń sapasyn arttyrý jáne "Egov" qyzmetin damytý boiynsha jalpy 40 nasihattaý is-sharalary uiymdastyrylyp, túsindirý jumystaryna 133 891 adam qatystyrylǵan.
Aýdanda elektrondy túrde kórsetiletin qyzmetterdiń úlesin arttyrý maqsatynda 199583 turǵynǵa broshiýralar taratylǵan. Sondai-aq, tsifrlyq qyzmetke kóshý aiasynda "elektrondyq tsifrly qoltańbalar alý" taqyrybynda 4 jármeńke ótkizilip, 560 azamat qamtylǵan. "Egov"-ty nasihattaý maqsatynda aýdan kóleminde 28 bilbord ornatylǵan.
"E-gov" elektrondy úkimet veb-portaly arqyly kórsetiletin memlekettik qyzmetterdiń úlesin artyrý maqsatynda arnaiy beine-rolik ázirlenip, jergilikti "Sanur" telearnasy arqyly kúndelikti 1,30 minýttan 5 ret efirge shyǵýda. Sonymen qatar, jalpy 192 mekemede, onyń ishinde aýdan ákimdiginiń 9 derbes bólimderi men oǵan baǵynysty uiymdarynda jáne 24 ákimshilik birlikterde "qyzmet kórsetý buryshtamalary" uiymdastyrylǵan.
Aita keteiik, atqarylǵan aýqymdy jumystardyń nátijesinde 21205 memlekettik qyzmet balamaly negizde kórsetilgen bolsa, tikelei 3262 (15,3 %), HQKO arqyly 6220 (29,3 %), elektrondyq túrde 11723 (55,2 %) qyzmet kórsetilgen. Bul baǵyttaǵy jumystar aldaǵy ýaqytta da óz jalǵasyn tabady.
Maqtaral aýdany ákiminiń baspasóz qyzmeti
https://dalanews.kz/35927
