اۋدان اكىمىنىڭ اپپاراتى اقپاراتتاندىرۋ جانە مەملەكەتتىك قىزمەت كورسەتۋ مونيتورينگى ءبولىمىنىڭ ۇيىمداستىرۋىمەن وتكەن ءىس-شاراعا ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وقو بويىنشا دەپارتامەنتىنىڭ وكىلدەرى، اۋداندىق حالىققا قىزمەت كورسەتۋ ورتالىقتارىنىڭ ماماندارى جانە مەملەكەتتىك قىزمەت كورسەتەتىن اۋداندىق دەربەس بولىمدەردىڭ جاۋاپتى ماماندارى قاتىستى.
الدىمەن جارمەڭكەگە قاتىسۋشىلارعا مەملەكەتتىك قىزمەتتەردى ەلەكتروندى تۇردە الۋدىڭ جولدارى كورسەتىلگەن ۇگىت-ناسيحاتتىق پاراقتار تاراتىلدى. جيىندى ارنايى اشىپ بەرگەن اۋدان اكىمىنىڭ ورىنباسارى ماقسات جولداسبەكوۆ ەلباسىنىڭ بيىلعى جىلعى حالىققا ارناعان "ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى" اتتى جولداۋىنا سايكەس، ماقتارال اۋدانىندا سيفرلاندىرۋ، ونىڭ ىشىندە مەملەكەتتىك قىزمەتتەردى ەلەكتروندىق نۇسقادا كورسەتۋ بويىنشا اۋقىمدى جۇمىستار جۇرگىزىلىپ جاتقانىن اتاپ ءوتتى. سونداي-اق، بۇگىنگى جارمەڭكە ارقىلى اۋدان تۇرعىندارىنا ۇيدەن شىقپاي-اق ەلەكتروندى تۇردە مەملەكەتتىك قىزمەت الۋدىڭ جولدارى كورسەتىلەتىنىن ايتتى.
ماقتارال اۋدانىندا جىل باسىنان بەرى مەملەكەتتىك كورسەتىلەتىن قىزمەتتەر تىزىلىمىنە سايكەس 91 قىزمەت ءتۇرى بويىنشا 39317 قىزمەت كورسەتىلگەن بولسا، ونىڭ 21205ء-ى بالامالى نەگىزدە بەرىلگەن. ودان بولەك، اۋداندا مەملەكەتتىك قىزمەتتىڭ ساپاسىن ارتتىرۋ جانە "Egov" قىزمەتىن دامىتۋ بويىنشا جالپى 40 ناسيحاتتاۋ ءىس-شارالارى ۇيىمداستىرىلىپ، ءتۇسىندىرۋ جۇمىستارىنا 133 891 ادام قاتىستىرىلعان.
اۋداندا ەلەكتروندى تۇردە كورسەتىلەتىن قىزمەتتەردىڭ ۇلەسىن ارتتىرۋ ماقساتىندا 199583 تۇرعىنعا بروشيۋرالار تاراتىلعان. سونداي-اق، سيفرلىق قىزمەتكە كوشۋ اياسىندا "ەلەكتروندىق سيفرلى قولتاڭبالار الۋ" تاقىرىبىندا 4 جارمەڭكە وتكىزىلىپ، 560 ازامات قامتىلعان. "Egov"-تى ناسيحاتتاۋ ماقساتىندا اۋدان كولەمىندە 28 بيلبورد ورناتىلعان.
"E-gov" ەلەكتروندى ۇكىمەت ۆەب-پورتالى ارقىلى كورسەتىلەتىن مەملەكەتتىك قىزمەتتەردىڭ ۇلەسىن ارتىرۋ ماقساتىندا ارنايى بەينە-روليك ازىرلەنىپ، جەرگىلىكتى "سانۇر" تەلەارناسى ارقىلى كۇندەلىكتى 1،30 مينۋتتان 5 رەت ەفيرگە شىعۋدا. سونىمەن قاتار، جالپى 192 مەكەمەدە، ونىڭ ىشىندە اۋدان اكىمدىگىنىڭ 9 دەربەس بولىمدەرى مەن وعان باعىنىستى ۇيىمدارىندا جانە 24 اكىمشىلىك بىرلىكتەردە "قىزمەت كورسەتۋ بۇرىشتامالارى" ۇيىمداستىرىلعان.
ايتا كەتەيىك، اتقارىلعان اۋقىمدى جۇمىستاردىڭ ناتيجەسىندە 21205 مەملەكەتتىك قىزمەت بالامالى نەگىزدە كورسەتىلگەن بولسا، تىكەلەي 3262 (15،3 %)، حقكو ارقىلى 6220 (29،3 %)، ەلەكتروندىق تۇردە 11723 (55،2 %) قىزمەت كورسەتىلگەن. بۇل باعىتتاعى جۇمىستار الداعى ۋاقىتتا دا ءوز جالعاسىن تابادى.
ماقتارال اۋدانى اكىمىنىڭ باسپا ءسوز قىزمەتى
https://dalanews.kz/35927
