«Biznestiń jol kartasy – 2020» jobasy Almatyda sátti iske asýda
Edige Marǵulanyń aqparatyna súiensek, ainalym qarajatyn tolyqtyrýǵa baǵyttalǵan kreditterdi sýbsidiialaý merzimi sýbsidiialaý merzimin uzartý quqyǵynsyz 3 jyldy quraidy. Kredittiń maksimaldy somasy bir kásipker úshin 2,5 mlrd.tenge.
Almaty qalasynda «Biznestiń jol kartasy – 2020» biznesti qoldaý men damytýdyń biryńǵai baǵdarlamasy boiynsha ekonomikanyń basym sektorlarynda iske asyrylatyn jobalar boiynsha paiyzdyq mólsherleme sýbsidiialanýda.
Sondai-aq, sýbsidiialaý boiynsha ózgerister engizilgenin de aita ketýimiz kerek. Aitalyq, 180 mln. tengeden aspaityn nesie alǵysy kelgen kásipkerdiń ótinishi 5 jumys kúni ishinde «Damý» qory qarastyrady. Al 180 mln. teńgeden asatyn nesieler boiynsha óńirlik baǵdarlama koordinatorymen 21 jumys kúni ishinde qarastyrady.
2017 jylǵy nátije boiynsha, 148 paiyzdyq mólsherlemeni sýbsidiialaý kelisim-shartyna qol qoiylǵan. Sonymen qatar qala boiynsha igerilgen maqsatty transfert sommasy 3,719 mln. teńgeni qurap, ónerkásip, kólik jáne saýda salalaryn jetekshi oryn shyqqan.
– Kepildeme quraly boiynsha 2017 jyly Almaty qalasynda 43 joba qoldaý aldy, jalpy nesie somasy 2 496 mln.tenge quraidy, sonymen birge kepildeme somasy 873 mln.tenge qurady. Jalpy osy jyly, 1 toqsanynyń esebi boiynsha Almaty qalasynda 24 kepildeme kelisim-shartyna qol qoiylyp, kepildeme somasy 339 mln. teńgeni qurady, – dedi Edige Saýlebekuly.
«Damý Optima» – «Biznestiń jol kartasy – 2020» baǵdarlamasynyń maqsatty tobyna kirmeitinder úshin arnalǵan. Bul – joba saýda, qyzmet kórsetý, qoǵamdyq tamaqtaný oryndary sekildi salalarǵa nesie beredi.
«Damý Optima» baǵdarlamasy bank aldynda kepilzaty jetpeitin kásipkerlerge «Damý» qorynyń kepildemesin paidalana otyryp nesie alýǵa múmkindik beredi.
Basqosýda 2016 jyly júzege asyryla bastaǵan «Damý Optima» baǵdarlamasyna engizilgen ózgerister jaiy da keńinen sóz boldy. Óz kezeginde «Damý» KDQ Almaty qalasy filialy direktorynyń orynbasary Edige Marǵulan atalǵan baǵdarlama boiynsha kásipkerlerge qoiylatyn talaptardy qaita qaraý, kepildeme berý talaptary, kepildendirýdiń jańa túrlerin engizý men qazirgi qoldanystaǵy túrin damytý boiynsha naqty jumystar atqarylǵanyn alǵa tartty.
– Atap aitsaq, «Damý Optima» baǵdarlamasy boiynsha investitsiialyq maqsattaǵy nesieniń esebinen alynǵan kez-kelgen jyljityn/jyljymaityn múlikti budan bylai bankke kepildik retinde usynýǵa bolady. Baǵdarlamanyń buǵan deiingi talaby boiynsha mundai jaǵdaida úshinshi jaqtyń kepildigi kerek bolyp, kásipkerdiń barlyq kepilzattarynyń 70 paiyzy turaqty jáne ótimdi bolýy mindetteletin edi. Engizilgen taǵy bir ózgeris – «Damý Optima» baǵdarlamasyna isin jańa bastaǵan kásipkerlerdiń de qoly jetetin bolǵandyǵy. Endi olar bank aldynaǵy kepilzaty jetkiliksiz bolǵan jaǵdaida Qordan nesie somasynyń 85 paiyzyna deiin kepildeme ala-alady. Isin jańa bastaǵan kásipkerlerge 30 mln teńgege deiin nesie beriledi, – dedi jaýapty tulǵa.
Biznesi júrip turǵan kásipkerler úshin nepildeme somasy burynǵydai, iaǵni nesie somasynyń 50 paiyzy bolyp qaldy. Biznesi bar kásipkerler úshin beriletin nesie somasy – investitsiialyq maqsatqa 180 mln teńgege deiin, ainalym qarajatyn tolyqtyrýǵa 60 mln teńgege deiin. Biznesi bar kásipkerler joba qunynyń 20 paiyzyn ózderi shyǵarýy kerek.
Kepildeme «Damý Optima» baǵdarlamasy boiynsha 2017 jyly joba qoldaý aldy, jalpy nesie somasy 584 mln.teńge kepildeme somasy 247,6 mln.teńgeni quraidy.
N.ÁÝBÁKIR.
