QR tuńǵysh Prezidenti atyndaǵy saiabaq Almaty qalasy Bostandyq aýdanynyń Navoi jáne ál-Farabi kósheler qiylysynda ornalasqan. Dendropaktiń jalpy aýmaǵy 73 ga quraidy. Onyń qurylysy bastalǵan 2001 jyldan bastap josparlanǵan elementter - alleia, býlvarlar men dendrarlyq ýchaskeleriniń qurylysy jáne dendrarlyq jospar boiynsha jasyl jelek otyrǵyzý jumysy júrgizildi. Saiabaq aýmaǵynda 2001 jyly QR Birinshi Prezidenti N.Nazarbaevtyń óz qolymen otyrǵyzǵan emen aǵashy ósip tur.
2011 jyly 11 qarashada Qazaqstan Respýblikasy Táýelsizdiginiń 20 jyldyǵyna arnalǵan «Qazaqstan» monýmentaldy-sáýlet kompazitsiiasynyń ashylý saltanaty boldy. Eskertkish qola, granit jáne mármár tastan búrkit tárizdes quiylǵan. Eskertkish ortasynda Birinshi Prezident beinesi keskindelgen. Al búrkittiń qanatynda Almaty jáne Astana qalasynyń simvoly oryn alǵan. Eskertkishte elimizdiń tarihi jáne sáýlet óneriniń mańyzdy beineleri kórsetilgen.
Kóktóbe – Qazaqstannyń eń kórikti ári tańǵajaiyp oryndarynyń biri. Qalanyń eń biik núktesi – Kóktóbe teńiz deńgeiinen 1100 metr joǵary. Aspaly jolmen áýe tramvaiy arqyly kóterilip, Sizder taýlardyń kórinisinen lázzat alý múmkindigine ie bolasyz. Biiktikten taýlar men qalanyń keremet kórinisi alaqandaǵydai kórinedi.
Ásirese bul jer túnde, qala áralýan tústi jaryqtarǵa tolǵan mezgilde, airyqsha ásemdikke bólenedi. Kóktóbe taýlardan alǵan airyqsha áser taza aýa men bostandyqty seziný ǵana emes, sonymen qatar bul dostardyń kezdesetin, ǵashyqtardyń serýendeitin, bala-shaǵamen qosylyp, birge qydyryp, demalatyn jai ǵana ýaqytty jaqsy ótkizetin oryn.
Kóktóbe aýmaǵynda shaǵyn zoobaq, «Fast Coaster» amerikalyq tóbeshikteri, jartasqa órmeleý alańy «Kiiz úi» meiramhanasy, kontsert zaly jáne ózgede nysandar ornalasqan. Ádemi átkenshekteri de balalar qýanyshyna ainalǵan. Kóktóbege keshki ýaqyttarda kelseńiz erekshe kúige enesiz.
Tsirk óneri asqan eptilik pen kúshtilikke negizdelgen pantomimalyq oiyn-saýyqtar men kloýnnyń kúlkili ázil-ájýalaryn (kloýnada, akrobatika, gimnastika, shabandozdyq jáne jonglerlik óner, ekvilibristika, mýz. ekstsentrika, illiýzionizm, t.b.) qamtidy. Ádette Tsirk oiyn-saýyǵy alýan túrli triýkter men ekstsentrikaǵa negizdelgen nómirlerden turady. Qalamyzdaǵy Tsirk qurylyp, óz jumysyn bastaǵan.
Qalalyq jerlerdegi kópshiliktiń jumystan bos ýaqytta taza aýada tynyǵyp, demalýyna jáne kóńil kóterýine arnalǵan baqtar. Olar ádette, qalanyń kóldi, bógendi, kók maisa kórkem jerlerinde uiymdastyrylady. Solardyń biri Ortalyq demalys saiabaǵy Kelýshiler sany kún sanap artýda.
Saiabaq ishinde kafe, ashana, kinoteatr, ashyq sahna, sport alańy, balalar alańy, túrli attraktsiondar, kompiýterlengen qyzyqty oiyn avtomattarynyń pavilondary, bi alańdary, ashyq estradalar, lektoriiler, t.b. mádeni-kópshilik oryndar jumys isteidi.
Osyndai iri saiabaqtarda merekelik serýender, ónerpazdar baiqaýy, kórmeler, dárister, áńgime-keńester, túrli sipattaǵy kezdesýler, t.b. júrgiziledi. Minekei búgin ónerpazdarymyz kelgen qonaqtarǵa kóńil-kúi syilap án shyrqaýda.
Jaqsy kóńil-kúidi tek ánshiler ǵana emes, myna attar da syilaityn tárizdi. Olar ár kún saiyn 50 shaqty qonaqty saiabaq ishimen tanystyrap shyǵady.
Sýdy, qaiyqpen, katamaranmen júzgendi unatatyn qydyrýshylarǵa arnalǵan shaǵyn kólshik te bar. Bul saiabaq kóptegen ǵashyqtardyń basyn qosqan jáne kezdesetin kieli orny dese de bolady.
Respýblika alańyna barǵanyńyz da jón. Talai tarihtyń tamyry jatqan bul alańǵa taǵzym etpei ótpeńiz.
Qazaqtyń qoldanbaly ónerinen tamyr tartqan táýelsizdik monýmentiniń negizgi ortasynda kompozitsiiasy ulttyq órnekpen kómkerilgen teksheli dińgek tastan quralyp, onyń biiktigi 28 m-ge jetedi. Kók aspanǵa qarai shanshyla boi kótergen ortalyq dińgektiń ushar basy qaýyzy ashylmaǵan qyzǵaldaq tárizdi jumyrlanyp músindelgen ári oǵan Qazaqstannyń eltańbasy oiylyp túsirilgen.
Taǵy bir tarihymyz Uly Otan soǵysy jyldarynda Máskeýdi erlikpen qorǵaǵan qazaqstandyq jaýyngerler. 1941 j. 15 qarashada Germaniia áskerleri 51 diviziiamen Máskeýge ekinshi "negizgi sheshýshi shabýyldy" bastaǵan "Jiyrma segiz gvardiiashy Panfilovshylar" parki qonaqtaryn zor yqylaspen qarsy alady.
Osyndai tereń tarihy bar jerlerdi qydyryp júrgen balalardyń bolashaǵynan kúter úmitimiz kóp. Sizge de kelýge keńes beremiz.
Almatynyń qai jerine barsańyz da, qandai qyzyq kórseńiz de osylai fotoapparatqa túsirip júrýdi umytpańyz. Saparyńyz sátti bolsyn!!!
Derekkóz: massaget.kz
