QR İİM Ákimshilik polısıa komıteti "Jol júrisi qaǵıdalaryn, Kólik quraldaryn paıdalanýǵa ruqsat berý jónindegi negizgi erejelerdi, kóligi arnaıy jaryq jáne dybys sıgnaldarymen jabdyqtalýǵa jáne arnaıy tústi-grafıkalyq shemalar boıynsha boıalýǵa tıis jedel jáne arnaıy qyzmetter tizbesin bekitý týraly" Úkimet qaýlysyna ózgerister engizý týraly qaýly jobasyn ázirledi, dep habarlaıdy Dalanews.kz.

Jol júrisi qaǵıdalaryndaǵy "Marshrýttyq kólik quraldarynyń basymdyǵy" degen bólimniń 2 tarmaǵy birinshi abzasyn ózgertý usynylady:

2. 5.9, 5.10.1 – 5.10.3 belgilerimen belgilengen marshrýttyq kólik quraldaryna arnalǵan jolaǵy bar joldarda 07.30-dan 9.30 saǵatqa deıin, 17.00-den 20.00 ýaqyt aralyǵynda qoǵamdyq kólikterdiń júrýi júzege asyrylady jáne aıaldaıdy (Qaǵıdalardyń 24-bóliminiń 2 jáne 4-tarmaqtarynda kózdelgen jaǵdaılardy qospaǵanda), qalǵan ýaqyttarda jáne demalys kúnderi osy jolaqta qoǵamdyq kólikterden basqa kólik quraldary júrý jáne aıaldaý júzege asyrylady, delingen qaýlyda.

Qaýly alǵashqy resmı jarıalanǵanynan keıin kúntizbelik on kún ótken soń qoldanysqa engiziledi.