ق ر ءىىم اكىمشىلىك پوليسيا كوميتەتى "جول ءجۇرىسى قاعيدالارىن، كولىك قۇرالدارىن پايدالانۋعا رۇقسات بەرۋ جونىندەگى نەگىزگى ەرەجەلەردى، كولىگى ارنايى جارىق جانە دىبىس سيگنالدارىمەن جابدىقتالۋعا جانە ارنايى تۇستى-گرافيكالىق سحەمالار بويىنشا بويالۋعا ءتيىس جەدەل جانە ارنايى قىزمەتتەر تىزبەسىن بەكىتۋ تۋرالى" ۇكىمەت قاۋلىسىنا وزگەرىستەر ەنگىزۋ تۋرالى قاۋلى جوباسىن ازىرلەدى، دەپ حابارلايدى Dalanews.kz.

جول ءجۇرىسى قاعيدالارىنداعى "مارشرۋتتىق كولىك قۇرالدارىنىڭ باسىمدىعى" دەگەن ءبولىمنىڭ 2 تارماعى ءبىرىنشى ابزاسىن وزگەرتۋ ۇسىنىلادى:

2. 5.9، 5.10.1 – 5.10.3 بەلگىلەرىمەن بەلگىلەنگەن مارشرۋتتىق كولىك قۇرالدارىنا ارنالعان جولاعى بار جولداردا 07.30-دان 9.30 ساعاتقا دەيىن، 17.00-دەن 20.00 ۋاقىت ارالىعىندا قوعامدىق كولىكتەردىڭ ءجۇرۋى جۇزەگە اسىرىلادى جانە ايالدايدى (قاعيدالاردىڭ 24ء-بولىمىنىڭ 2 جانە 4-تارماقتارىندا كوزدەلگەن جاعدايلاردى قوسپاعاندا)، قالعان ۋاقىتتاردا جانە دەمالىس كۇندەرى وسى جولاقتا قوعامدىق كولىكتەردەن باسقا كولىك قۇرالدارى ءجۇرۋ جانە ايالداۋ جۇزەگە اسىرىلادى، دەلىنگەن قاۋلىدا.

قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.