Búginde sandyq tehnologiialardy igerýdiń birden-bir basty quraly – kompiýterlik tehnika. Almaty oblysynda ótken oqý jylynda oblys boiynsha orta eseppen 1 kompiýterge 5 oqýshydan kelse, osy oqý jylynda taǵy 665 dana kompiýterlik tehnika satyp alýǵa 245,9 mln teńge bólindi. Bul týraly Almaty oblysynyń ortalyǵy Qonaev qalasynda ótken muǵalimderdiń tamyz keńesinde oblys basshysy Marat Sultanǵaziev málimdedi, – dep habarlaidy Dalanews.kz.
Jergilikti biýdjetten 2022 jyly – 99,0 mln., 2023 jyly 2,1 mlrd teńgege 236 jańa modifikatsiialy pán kabinetteri satyp alyndy.
Al, aǵymdaǵy jyly «Qazaqstan halqyna» qory tarapynan 1,5 mlrd. teńgege 50 mekteptiń fizika, himiia, biologiia kabinetteri jáne aýdan ortalyǵynda ornalasqan 3 aýyldyq mekteptiń oqý kabinetteri 100% jabdyqtaldy.
– Balalar – elimizdiń bolashaǵy, ómirimizdiń jalǵasy. Biz, eresekter, olardyń tolyqqandy jabdyqtalǵan mektepterde bilim alýymen qatar, olardy qorǵap, qaýipsizdigin qamtamasyz etýge mindettimiz.
Bilim alýshylardyń qaýipsizdigin qamtamasyz etýge 2024 jyly 525,1 mln teńge bólindi. Onyń ishinde 253,1 mln teńge – bilim berý mekemelerin litsenziialanǵan kúzetke qosýǵa, 188,0 mln. teńge – beinekameralardy jańartýǵa, 84,0 mln teńge – mekemelerdi jedel basqarý ortalyǵyna (TsOÝ) qosýǵa qarastyryldy.
Jiynda ózekti problemalardyń biri – úsh aýysymdy oqytý men oqýshy oryndarynyń tapshylyǵy máselesi de qaraldy. 2023-2025 jyldar aralyǵynda óńirde «Jaily mektep» ulttyq jobasy aiasynda 53 mektep salý josparlanypty.
Bul mektepter turǵyndar eń kóp shoǵyrlanǵan Eńbekshiqazaq aýdanynyń úshaýysymdy mektepteri problemasyn sheshetini de jetkizdi.
