Oblystyń ál-aýqatynyń kórsetkishterine toqtalǵan aimaq kóshbasshysy bolashaqtyń aiqyn baǵdary bolar bilim salasyndaǵy jetistikter men josparlar týraly óz esebinde baiandady.
Búginde bilim salasynyń tóńiregindegi basty másele ol úsh aýysymdy mektepterdiń sanyn azaitý bolyp tabylady. Osyǵan orai oblysta qarqyndy jumys júrgizilýde.
Sońǵy bes jylda Almaty oblysynda 75 mektep qurylysy aiaqtalyp, qoldanysqa berilgen. Onyń 55-i úsh aýysymdy mektepti joiý úshin 30 myń orynǵa arnalyp salynǵan.
Soǵan qaramastap mektep qabyrǵasyndaǵy úsh aýysymdy oqytý máselesin túbegeili sheshý múmkin bolmai tur. Óitkeni byltyrǵy jyly 48 myń búldirshin mektep tabaldyryǵyn attaǵan. Nazarǵa alǵan túiitkildiń kúrmeýin sheshý jolynda jumystar jalǵasyn tappaq. Biylǵy jyly jalpy somasy 11,2 mlrd.teńgeni quraityn 13 mektep boi kóteredi dep josparlanýda.
«Biraq bul jetkiliksiz, sondyqtan biz jalpy quny 10,3 mlrd.teńge bolatyn taǵy alty mekteptiń qurylysyn bastaýymyz kerek.Sonymen qatar, kásipkerlerdiń qoldaýymen mektepter salý máselesin qarastyrýdamyz»,- dep atap ótti Almaty oblysynyń ákimi Amandyq Batalov.
Aǵymdaǵy jyly oqý sapasyn jaqsartý úshin jańa modifikatsiialy kabinetter satyp alýǵa jáne 50-den astam IT-synyptar ashýǵa, oqýshylar robototehnikamen, baǵdarlamalaýmen, 3D–modeldeýmen ainalysýyna jaǵdai jasaý maqsatynda 1,1 mlrd.teńge bólingen.
Bir sózben aitqanda, qala jáne aýyl mektepterinde teń jaǵdai jasaý úshin barlyq sharalar qabyldanýda.
Anar SABYROVA
