«Nurly jer», «Baqytty otbasy», «7-20-25» baǵdarlamalarynyń aiasynda oblys kóleminde 2 443 otbasy baspanaly boldy, onyń ishinde 1 779 kóp balaly otbasy qonys toiyn toilady.
Halyqty baspanamen qamtamasyz etýde kásipkerlerdiń kómegi ólsheýsiz. Olar byltyrǵy jyly qoldaýǵa muqtaj jandarǵa 170 páter alyp bergen.
Al, ótken aptada atymtai jomart azamattar Qapshaǵai qalasynan 30 páter alýǵa múmkindik beretin arnaiy sertifikattardy tabystap, kóptiń qoshametine bólendi. Biraqta, úi kezeginde turǵandardyń sany munymen azaimasy anyq.
Búginde 50,7 myń adam, onyń ishinde 20- sy áleýmettik osal top ókilderi, 5527-si kóp balaly otbasy baspana kezeginde tur dep aitty óńir basshysy óz baiandamasynda.
Sondyqtan da biyl turǵyn úi jáne injenerlik infraqurylym qurylysyna qajetti qarajat mólsheri 1,6 esege artyp, 32,6 mlrd. teńgeni qurady.
Barlyǵy 939 myń sharshy metr turǵyn úi salý josparlanýda, onyń ishinde 147,7 myń sharshy metri "Nurly jer" baǵdarlamasy boiynsha boi kóteredi.
«Biz barlyq baǵyttar boiynsha 3600 otbasyn, onyń ishinde 2400 áleýmettik jaǵynan osal jáne kóp balaly otbasyn turǵyn úimen qamtamasyz etý mindetin qoiyp otyrmyz. Sonymen qatar, Qarasai, Ile, Talǵar aýdandarynda jáne Qapshaǵai qalasynda jeke qurylys salýshylar esebinen 1300 páterlik jeti turǵyn úi kesheni salynatyn bolady. Aldaǵy ýaqytta jyl saiyn keminde bir mln.sharshy metr turǵyn úi qurylysyn júrgizetin bolamyz»,- dep jaǵymdy jańalyqpen bólisti oblys ákimi.
Qala halqynyń sany kúnnen-kúnge artýda. Búgingi tańda qalada 180 myń adam ómir súredi. Osyǵan bailanysty úige muqtajdardyń sany arta túspek. Soǵan orai 8-shi shaǵyn aýdanynda 782 páterlik 24 kóp qabatty úidiń qurylysy bastalady. Onyń 7-i biylǵyly jyly qoldanysqa beriledi dep josparlanýda. Sondai-aq investorlar esebinen 726 páterlik 22 kópqabatty turǵyn ui shyǵys shaǵyn aýdanynda boi kóteredi.
2019 jyly kottedj qalashyǵynda 155 úi turǵyzylyp, birinshi kezekte kóp balaly otbasylarǵa úidiń kilti basytalǵan bolatyn. Biyl 403 kottedj úiler óz ielerin tappaq.
Anar SABYROVA
