"Qazirgi ýaqytta Almaty oblysynyń 12 aýdanynda jáne úsh qalasynda úilerdi gazben qamtý júiesine qosý jumystary júrgizilip jatyr, bul - tek bastamasy ǵana", dep málimdedi oblys ákimi Amandyq Batalov halyqpen qorytyndy esep berý kezdesýinde, dep habarlaidy Dalanews.kz.
Oblysta 144 eldi-meken kógildir otynmen qamtamasyz etildi, al gazdandyrý deńgeii 30,4% quraidy.
Tabiǵi gazdyń paida bolýymen Almaty oblysy turǵyndarynyń ómiri sapaly jańa deńgeige kóterildi. Biraq men aimaqtarǵa barǵan kezde adamdar gazǵa qosylý baǵasynyń qymbattyǵyna narazylyq bildiredi. Aýdan ákimderi investorlardy tartýda nashar jumys isteidi. Kásipkerlerdi kóbirek tartyp, básekelestik ornata otyryp, jelige qosý jumystarynyń qunyn tómendetý qajet. Jumys nátijesin halyq sezinýi kerek, - dedi Amandyq Batalov óz sózinde.
Búgingi tańda Taldyqorǵanda 9 myńnan astam abonent gazǵa qosylǵan. Tekeli qalasyna gaz qubyry tartyldy jáne Úshtóbe, Saryózek, Baqanas qalalaryna gazben jabdyqtaý agregattary salyndy.
Biyl Tekeli qalasynda jáne Eskeldi, Balqash, Qaratal, Kerbulaq jáne Kóksý aýdandarynyń 91 eldi-mekeninde aýylaralyq jelilerdiń qurylysy qolǵa alynady.
Qazirgi ýaqytta 97 eldi-mekendi qamtityn "Taldyqorǵan-Úsharal" jáne "Shelek-Kegen" gaz qubyrlary magistaryl qurylysynyń jobasy jasalýda.
Osy isterdiń barlyǵy atqarǵanda 1,2 million adam nemese halyqtyń 56 paiyzy kógildir otynǵa qol jetkize alady.
