"قازىرگى ۋاقىتتا الماتى وبلىسىنىڭ 12 اۋدانىندا جانە ءۇش قالاسىندا ۇيلەردى گازبەن قامتۋ جۇيەسىنە قوسۋ جۇمىستارى جۇرگىزىلىپ جاتىر، بۇل - تەك باستاماسى عانا"، دەپ مالىمدەدى وبلىس اكىمى اماندىق باتالوۆ حالىقپەن قورىتىندى ەسەپ بەرۋ كەزدەسۋىندە، دەپ حابارلايدى Dalanews.kz.
وبلىستا 144 ەلدى-مەكەن كوگىلدىر وتىنمەن قامتاماسىز ەتىلدى، ال گازداندىرۋ دەڭگەيى 30،4% قۇرايدى.
تابيعي گازدىڭ پايدا بولۋىمەن الماتى وبلىسى تۇرعىندارىنىڭ ءومىرى ساپالى جاڭا دەڭگەيگە كوتەرىلدى. ءبىراق مەن ايماقتارعا بارعان كەزدە ادامدار گازعا قوسىلۋ باعاسىنىڭ قىمباتتىعىنا نارازىلىق بىلدىرەدى. اۋدان اكىمدەرى ينۆەستورلاردى تارتۋدا ناشار جۇمىس ىستەيدى. كاسىپكەرلەردى كوبىرەك تارتىپ، باسەكەلەستىك ورناتا وتىرىپ، جەلىگە قوسۋ جۇمىستارىنىڭ قۇنىن تومەندەتۋ قاجەت. جۇمىس ناتيجەسىن حالىق سەزىنۋى كەرەك، - دەدى اماندىق باتالوۆ ءوز سوزىندە.
بۇگىنگى تاڭدا تالدىقورعاندا 9 مىڭنان استام ابونەنت گازعا قوسىلعان. تەكەلى قالاسىنا گاز قۇبىرى تارتىلدى جانە ۇشتوبە، سارىوزەك، باقاناس قالالارىنا گازبەن جابدىقتاۋ اگرەگاتتارى سالىندى.
بيىل تەكەلى قالاسىندا جانە ەسكەلدى، بالقاش، قاراتال، كەربۇلاق جانە كوكسۋ اۋداندارىنىڭ 91 ەلدى-مەكەنىندە اۋىلارالىق جەلىلەردىڭ قۇرىلىسى قولعا الىنادى.
قازىرگى ۋاقىتتا 97 ەلدى-مەكەندى قامتيتىن "ءتالدىقورعان-ۇشارال" جانە "شەلەك-كەگەن" گاز قۇبىرلارى ماگيستارىل قۇرىلىسىنىڭ جوباسى جاسالۋدا.
وسى ىستەردىڭ بارلىعى اتقارعاندا 1،2 ميلليون ادام نەمەسە حالىقتىڭ 56 پايىزى كوگىلدىر وتىنعا قول جەتكىزە الادى.
