El Prezidenti Qasym- Jomart Toqaev óziniń halyqqa joldaýynda jahandy jailaǵan indetpen kúreske áli eki jyl kerek ekenin atap ótken edi.
Qarýsyz maidanǵa ulasqan bul kúreste meditsina salasynyń qaýqary synalatyny anyq.
Osy tusta, Almaty oblysyndaǵy barlyq meditsina uiymdary saqadai sai ekenin aityp ótken jón.
Oǵan, búgin esigi ashylǵan 200 orynǵa laiyqtalǵan modýldi juqpaly aýrýlar aýrýhanasy dálel.
Jaýaptylardyń sózine sensek, jańa emdeý mekemesi keseldiń ekinshi tolqynyn eńserýge qaýqarly.
Ǵimarattyń jalpy aýdany - 6,8 myń sharshy metrdi alyp jatyr.
Nysan ákimshilik bóligi bar meditsinalyq bloktan, qabyldaý-diagnostikalyq bólimsheden, operatsiialyq blogy bar reanimatsiiadan turady. Aýrýhana quramynda operatsiialyq jáne perzenthana zaldary bar.
Aýrýhana infektsiialyq baqylaýdyń barlyq standarttaryna sáikes keledi. Jańa emhana da "Aqyldy aýrýhana" júiesi bar, ol árbir patsienttiń densaýlyq jaǵdaiyn meditsinalyq personalmen táýlik boiy beinemonitorlaýdy qamtidy. Árbir palatada shuǵyl meditsinalyq kómek kórsetý úshin ottegini qosý núkteleri qarastyrylǵan. Bolashaqta aýrýhanada ártúrli juqpaly aýrýlary bar naýqastar emdeledi.
Mekeme ishi qajetti diagnostikalyq jáne zerthanalyq jabdyqtarmen jabdyqtalǵan, personalǵa arnalǵan úi-jailar, zerthanalar, kompiýterlik tomografqa, rentgen apparatyna, endoskopiialyq jabdyqqa, ÝDZ jáne elektrokardiografqa arnalǵan jeke kabinetterde qarastyrylǵan.
«Aýrýhana 55 kúnde salynǵan. Kelesi jyly taǵy da jańa aýrýhanalar salýdy josparlap otyrmyz jáne jańa kadrlardy tartatyn bolamyz. Osyǵan bailanysty mamandar úshin 60 páterli meditsinalyq úi salamyz. Kelgen jas mamandarǵa barlyq jaǵdaidy jasaimyz. Búgingi tańda kottedj qalashyǵynda tartylǵan jas meditsina qyzmetkerleri úshin 47 kottedj bólemiz. Zamanaýi jabdyqtar men mamandandyrylǵan dárigerlerdiń arqasynda biz adamdardy emdeimiz dep oilaimyz», – dedi Almaty oblysynyń ákimi Amandyq Batalov.
Jalpy alǵanda oblysta COVID-19 dertine qarsy turý úshin qajetti qurylǵylar men dári- dármek satyp alynýda.
Aita ketý kerek, oblys emhanalaryndaǵy orynnyń basym kópshiligi bosaǵan. Oǵan sebep, naýqastar sanynyń tómendeýi.
Máselen, oblysta statsionarlar júktemesiniń azaiýyna bailanysty infektsiialyq tósekter sany 135-ten 115-ke deiin jáne 2-shi deńgeidegi oryn 603-ten 571-ge deiin qysqarǵan.
Biraq, soǵan qaramastan, oblysta koronavirýstyq infektsiiaǵa kúdikti patsientter úshin 84 reanimatsiialyq tósek-oryn daiyndalǵan. Sondai-aq, óńirdegi aýrýhanalar barlyq qajetti qurylǵylarmen jabdyqtalǵan. Qazirgi ýaqytta emhanalarda 304 ókpeni jasandy jeldetý apparaty ornatylǵan. Onyń 77-si jergilikti biýdjet esebinen alynǵan. Respýblikalyq qazynadan taǵy 119 qurylǵy jetkiziledi dep kútilýde.
Sonymen qatar, jergilikti biýdjet esebinen qosymsha 100 kerekti qondyrǵylardy alý maqsatynda 1 mlrd. 250 mln. teńge bólingen.
Aita keteiik, meditsinalyq uiymdarda 973 ottegi kontsentratory bar, onyń 100 birligi jergilikti biýdjet qarajaty esebinen 83,4 mln.teńgege satyp alyndy.
Jergilikti biýdjetten meditsinalyq uiymdardyń janynan ottegi stantsiialaryn ornatýǵa 818,2 mln.teńge jáne 15 rentgen apparatyn satyp alýǵa 375 mln. teńge bólinbek.
Ottegi stantsiialary Taldyqorǵan qalasyndaǵy oblystyq emdeý ornyna, Talǵar, Alakól, Ile, Panfilov, Jambyl, Sarqan, Kegen aýdandarynyń ortalyq emhanaǵa, Esik qalasyndaǵy Eńbekshiqazaq óńiraralyq kópbeiindi meditsinalyq mekemesine, Qarasai aýdanynyń Shamalǵan aýylyndaǵy aýyldyq aýrýhanalaryna ornalastyrylady.
Aimaqqa kerekti dári-dármekti jetkizý úshin respýblikadan 551,3 mln.teńge qarastyrylǵan. Onyń 20 mln. teńgesine aldaǵy tańda 39 ataýly virýsqa qarsy preparattar alyp kelinbek.
Qazirgi kezde, oblysta dári tapshylyǵy baiqalmaidy. Juqpaly aýrýlar jáne provizorlyq emdeý oryndarynda 215 150 dene qyzýyn túsiretin, 45 535 virýsqa qarsy preparattar, jáne de 255 157 antibiotikter bar.
Esterińizge salamyz, óńirde 8 PTR-zerthanasy jumys isteidi, Oblystyń veterinariialyq qyzmetiniń PTR-zerthanalarynyń áleýetin tartý esebinen testileý kólemi táýligine 3 myńǵa deiin ulǵaitylatyn bolady deidi mamandar.
Anar SABYROVA
