Mitingke shyqqandar abaqtydaǵy Atambaevty bosatyp aldy (video)
Arnaiy qyzmet qarýyn tastap, berildi. Eks-prezident Almazbek Atambaevtyń tergeý izoliatorynan bosatylǵany týraly da habarlandy.
Áskeri prokýratýra qaraýynda Qyrǵyz Respýblikasynyń eks-prezidenti Almazbek Atambaevty kúdikti retinde jaýapqa tartatyn alty is bar. Ekeýi - kriminaldy avtoritet Aziz Batýkaevtyń zańsyz bosatylýy jáne ótken jyldyń 7-8 tamyzyndaǵy Qoi-Tashtaǵy oqiǵalar, olar boiynsha sot protsesteri áli júrip jatyr.
Sondai-aq BAQ sybailas jemqorlyq úshin sottalǵan burynǵy premer-ministr Sapar Isakovtyń da koloniiadan bosatylǵany týraly habarlaidy. Qyrǵyz eliniń ministrler kabinetiniń burynǵy basshysynyń ústinen eki qylmystyq is qozǵalǵan, birinshisinde ol 18 jylǵa, ekinshisinde 15 jylǵa bas bostandyǵynan aiyrylǵan edi.
2018 jyly 11 jylǵa sottalǵan eks-depýtat Sadyr Japarov ta demonstranttar tarapynan bostandyqqa shyqty.
Saiasatker birden alańǵa baryp, mitingke qatysýshylar aldynda sóz sóiledi. Ol ózin bosatqandarǵa alǵysyn jetkizdi.
"Men úsh jarym jyl túrmede otyrdym. Sizderdiń arqańyzda bostandyqqa shyqtym. Biz bir nárseni eske saqtaiyq: qyrǵyzbyz ba, oryspyz ba, ózbekpiz be, bárimiz bir elde turyp jatyrmyz! Bárin zań aiasynda shesheiik. Qazir taraýymyz kerek. Kúshpen eshteńe sheshpeimiz. Báribir zańsyz bolady", - dedi eks-depýtat.
https://youtu.be/t5lLlOOCMck
