Almaty oblysynda 447 650 azamat saqtandyrylmaǵan
Almaty oblysy boiynsha 2020 jylǵa anyqtalǵan biýdjet somasy – 136,4 mlrd. teńgeni quraǵan-tyn. Onyń ishinde tegin meditsinalyq kepildendirilgen kómek kólemi aiasynda – 94,0 mlrd teńgeni, MÁMS aiasynda – 42,4 mlrd teńgeni qurady.
Qazirgi tańda oblys aiasynda 76 meditsinalyq mekememen kelisim sharttar jasaldy, onyń ishinde memlekettik menshiktegi – 44, iaǵni 58%, jeke menshiktegi - 32 mekeme demek 42%-dyq kórsetkishti kórsetýde.
COVID-19 taralýyn aldyn-alý maqsatynda is-sharalardy qarjylandyrýǵa 2020 jyly Almaty oblysy boiynsha 16,8 mlrd. teńge igerildi.
Sonyń ishinde:
- Meditsinalyq qyzmetkerlerdi yntalandyrýǵa – 7,8 mlrd teńge;
- Statsionarlyq kómekke – 5,3 mlrd teńge;
- PTR zertteýge – 2,7 mlrd teńge;
– Mobildi brigadalar jumysyna – 981 mln teńge qarastyrlǵan.
«MÁMS engizilýine bailanysty azamattar úshin birqatar qyzmetter tegin qoljetimdi boldy. Aǵymdaǵy jyly meditsinalyq ońaltý qyzmetteri, qymbat konsýltativtik-diagnostikalyq qyzmetter (KDQ) jáne joǵary tehnologiialyq meditsinalyq kómek boiynsha ósim baiqalady. Mysaly, meditsinalyq ońaltý boiynsha biyl 9 671 patsient qyzmet aldy, al 2019 jyly 7 150 patsient (24,8%-ǵa ósti); joǵary tehnologiialyq meditsinalyq kómek boiynsha 2020 jyly 140 patsient qyzmet aldy, al 2019 jyly 110, iaǵni 27%-ǵa ósti. Konsýltativti-diagnostikalyq qyzmet boiynsha: KT 2019 jyly – 9156 jáne 2020 jyly – 22177 qyzmet 2,4 esege artsa, MRT 2019 jyly –1228 jáne 2020 j. – 11169 qyzmet 9 ese ósken», – deidi Áleýmettik meditsinalyq saqtandyrý qorynyń Almaty oblysy boiynsha filialynyń direktory Nurlan Otarǵaliev.
Azamattardyń saqtandyrý mártebesin ózektendirý boiynsha jumystyń nátijesi boiynsha, saqtandyrylǵan halyqtyń sany artty. Qazirgi tańda oblys boiynsha saqtandyrylmaǵan azamattardyń sany 447 650 adamdy quraýda.
MÁMS úshin memleket tarapynan qarjylandyrylatyn adam sany jeńildigi bar azamattar sanaty – 56,2%, jaldamaly qyzmetkerler – 19,4%, jeke kásipkerler men azamattyq-quqyqtyq sipattaǵy sharttar boiynsha qyzmetkerler – 5,7%, derbes tóleýshiler – 1,4% jáne BJT tóleýshiler – 17,3%.
Úsitimizdegi jyly, Nurlan Tańjaryqulynyń aitýynsha, dárigerlerdiń jalaqysyn 30% deiin jáne orta meditsina qyzmetkerleriniń jalaqysyn 20% deiin arttyrýǵa qarajat josparlanǵan.Sondai-aq, Aýyldyq jerlerde meditsinalyq qyzmetterdiń qoljetimdiligin arttyrý boiynsha qarjylandyrý kólemi 20%-ǵa ósedi dep kútilýde.
«Prezident Qasym-Jomart Toqaevtyń tapsyrmasy boiynsha ekstrakorporaldy uryqtaý qyzmetteriniń sany jeti esege artqanyn atap ótken jón. Eger 2020 jyly 1000-nan astam otbasyǵa ana men áke bolý qýanyshyn seziný múmkindigi týsa, 2021 jyly olardyń sany 7 myńǵa deiin artady»,- dedi Áleýmettik meditsinalyq saqtandyrý qorynyń Almaty oblysy boiynsha filialynyń direktory Nurlan Otarǵaliev.
Halyqqa yńǵaily bolý úshin Qor keri bailanystyń túrli arnalaryn usyný boiynsha jumys júrgizýde. Qoldau 24/7 mobildi qosymshasy, SaqtandyryBot telegram arnasy, fms.kz jáne egov.kz saittary arqyly saqtandyrý mártebesin anyqtap, keńes alýǵa bolady. Qordyń táýlik boiy jumys isteitin 1406 koll-ortalyǵy qyzmet atqarady.
«Bizdiń maqsatymyz – densaýlyq saqtaý júiesindegi meditsinalyq kómektiń sapasyn artryrýda jáne meditsinalyq qyzmetterdi usynatyn mekemelerdiń básekege qabilettigin arttyrý. Biz adal básekelestik degen ustanymǵa berik bolamyz, bul sapaly meditsinaǵa aparatyn jol dep senemiz»,-dep sózin túiindedi Nurlan Tańjaryquly.
