Baǵdarlamada Shyǵys Qazaqstannyń negizgi problemalaryna, onyń ishinde óńirdegi demografıalyq ahýalǵa, densaýlyq saqtaýǵa, turǵyn úımen qamtamasyz etilýge, aýyldy sýmen qamtamasyz etýge, avtomobıl joldarynyń jaı-kúıine, ekologıalyq problemalarǵa keshendi sıpattama berildi. Sondaı-aq, oblystyń áleýmettik-ekonomıkalyq damýynyń aǵymdaǵy jaǵdaıyna taldaý jasaldy.
Qujatta óńirdi odan ári damytý úshin básekelestik artyqshylyqtar, atap aıtqanda biregeı ken oryndary bar tabıǵı resýrstar, damyǵan ónerkásiptik jáne aýyl sharýashylyǵy bazalary, týrızm, sondaı-aq aýyl sharýashylyǵy ónimderiniń eksporty, balamaly energetıkany damytý múmkindikteri kórsetilgen.
Baǵdarlamany iske asyrý úshin aıqyndalǵan 4 baǵyty boıynsha 17 maqsat jáne 25 nysanaly ındıkator bekitildi.
– Kórsetkishterdiń bazalyq tizbesinen ındıkatorlardyń josparly mánderi 2021-2025 jyldarǵa Ulttyq ekonomıka mınıstrligimen jáne salalyq mınıstrliktermen kelisildi. Qoldanystaǵy zańnamaǵa sáıkes Shyǵys Qazaqstan oblysynyń aýmaǵyn damytýdyń 2021-2025 jyldarǵa arnalǵan baǵdarlamasy bekitilgennen keıin, óńirdiń damý ereksheligi men problemalaryn kórsetetin qosymsha ındıkatorlar qalalar men aýdandardyń aýmaqtaryn damytý baǵdarlamalaryna engiziledi jáne aýdandyq, qalalyq máslıhattardyń sesıalarynda bekitiledi, - dedi ekonomıka jáne búdjetti josparlaý basqarmasy basshysy Sáýle Ulaqova.
Aıta ketý kerek, Shyǵys Qazaqstan oblysynyń aýmaǵyn damytýdyń 2021-2025 jyldarǵa arnalǵan baǵdarlamasy bekitilgennen keıin baǵdarlamany iske asyrý jónindegi is-sharalar jospary ázirlenetin bolady.
SHQO ákiminiń baspasóz qyzmeti
