Múgedekterge arnalǵan oblystyq mamandandyrylǵan sport mektebinde jalpy sany 753 kembaǵaly sportshy bar. Olar, jeńil atletika, júzý, ústel tenisi, sadaq atý, shańǵy jarysy, arbamen bileý, fýtbo, shahmat, doiby, erkin kúres, armrestling, karate syndy túrli sport túrlerimen shuǵyldanady.
Ómirge degen qushtarlyqtary basym, erik-jigeri tasyp turǵan saiyp qyran qyz-jigitterdi 48 jattyqtyrýshy baptaidy. Tógilgen ter men esil eńbektiń zaia ketken tusy bolmasa kerek, oǵan dálel atalǵan mekemeniń ulandarynyń ishinde 1 - sportshy «QR Eńbek sińirgen sport sheberi», 33-i «halyqaralyq dárejedegi sport sheberi», 26-sy «QR sport sheberi», 92-si «QR sport sheberine» úmitker, 100-den astam mmúshesi 1-shi sporttyq razriadqa ie bolǵan jaiy bar.
Sonymen qatar, san alýan sport túrleri boiynsha Qazaqstan ulttyq quramasyna Almaty oblysynda 112 múmkindigi shekteýli sportshy múshelikte ekenin atap ótken jón.
«Júzden júirik, myńnan tulpar» shyǵyp júrgen qaisar jandardyń jetistigi munymen tolastar emes. Taǵdyrdyń syiyna tosylmai, synaǵyna synbaǵan arda azamattar 2011 jyldan bastap Qazaqstan Respýblikasynyń chempionattarynda, Qazaqstan Respýblikasynyń Kýboktarynda, Paralimpiadalyq oiyndarda, Qazaqstan Respýblikasynyń spartakiadasynda jáne halyqaralyq jarystarda, týrnirlerde 2011 jyldan 2019 jylǵa deiin 430 altyn, 330 kúmis jáne 236 qola medal jeńip alǵan. 2020 jyldyń qorytyndysy boiynsha barlyǵy: altyn – 23 medal, kúmis – 14 medal, qola – 20 medaldi qanjyǵalaryna bailaǵan.
Bairaqty básekelerde top jaryp júrgenderdiń biri Zahar Býimov men Maksim Ten. Qos sańlaq, 2020 jyldyń 20-23 aqpanynda Manchester qalasynda jastar arasyndaǵy paýerliftingten Álem Kýbogynda 1 orynǵa turaqtaǵan.
Negizinen Almaty oblysynyń múmkindigi shekteýli sportshylary 2016 jyly 6 halyqaralyq jáne 26 Respýblikalyq, 2017 jyly 10 halyqaralyq jáne 34 respýblikalyq jarystarda baǵyn synap kórgen. Bul da óz kezeginde tolaiym tabystardyń úzdik bastamasy boldy dep aýyz toltyryp aitýǵa turarlyq is.
Moiyndaryna taqqan júldederi, el qorjynyna túsken medaldary tek san úshin qyzmet etip qoiǵan joq. Erekshe qabiletke ie jandardyń erlikteri oblys ákimi Amandyq Ǵabbasulynyń árkez nazarynda.
Máselen, 2017 jyly Sport kúnine arnalǵan kásibi merekege orai Almaty oblysynyń ákimi Rio-de-Janeiroda (Braziliia) ótken XV jazǵy Paralimpiada oiyndarynyń júldegeri Qoishybaeva Raýshan eki bólmeli páterdiń kiltin tabystaǵan edi.
Ótken kezeńdegi kórsetkinshti jańartýǵa talpynǵan mekemeniń alǵa qoiǵan maqsattary Alataýdyń shyńymen teń.
Aǵymdaǵy jyly Almaty oblysy múgedek-sportshylary sport túrleri boiynsha QR chempionattary men kýboktary; aqpanda (BAÁ) 11 fazanyń halyqaralyq týrniri paýerlifting, jeńil atletika, sadaq atý boiynsha óner kórsetý josparlanǵan. Naýryzda Ózbekstanda 100 doibydan Aziia chempionatyna qatyspaqpyz. Sáýir aiynda taekvondodan Aziia chempionatynda baǵymyzdy synamaqqa bekindik, jeltoqsan aiynda Germaniiada arbamen bileýden álem chempionatyna baramyz, al 5-25 jeltoqsan aralyǵynda Braziliiada bastaý alatyn XXIV jazǵy Sýrdlimpiada oiyndaryna barmaqpyz»,-deidi «Múgedekterge arnalǵan oblystyq mamandandyrylǵan sport mektebi» KMM direktory Erlan Baqytbai.
