– Bir apta boiy ótken bilim saiysynda daryndy oqýshylardy jeńisimen quttyqtaimyn. Olimpiadanyń aýdandyq jáne qalalyq kezeńinde 6 myńǵa jýyq oqýshy qatyssa, oblystyq kezeńde 582 oqýshy synaq tapsyrdy. Bilim saiysynyń barlyq kezeńinde ashyqtyq pen akademiialyq adaldyq talaptary saqtaldy. Olimpaidanyń qos kezeńide ońai bolǵan joq. Bul synaqqa daiyndyq tek mektep baǵdarlamasymen shektelip qalmai, tereń zerdeleýdi qajet ekenin uǵyndyrdy. Sizder elimizdiń naǵyz «Altyn qorysyzdar». El erteńi ózderińizdiń qoldaryńyzda, – dedi quttyqtaý sózinde Almaty oblysy bilim basqarmasynyń basshysy Saltanat Daýyspekqyzy.
Artynsha ol bilim teńizinde erkin júzgen jas daryndarǵa laiyqty marapatyn tapsyrdy.
Oblystyń «sen tur, men ataiyn» degen jastary jinalǵan bilimdiler dodasynda oza shyqqandardyń biri Esik «Bilim-innovatsiia» litseiiniń 10 synyp oqýshysy Múslim Halel.
– Olimpiadaǵa 4 jyl qatarynan qatysyp kele jatyrmen. Men matematika boiynsha test tapsyrdym. Tapsyrmalardyń deńgeii ońai dep aitýǵa kelmeidi degenmende, bul synda súrinbegenime qýanyshtymyn. Meni daiyndap, qoldaý kórsetken jetekshim Adikei Álibekulyna alǵysymdy bildiremin, – deidi olimpiadanyń 1 oryn júldegeri Múslim Halel.
Esterińizge salamyz, óńirdiń eń ziiatker oqýshylary 13-18 aqpan aralyǵynda jaratylystaný-matematikalyq jáne qoǵamdyq-gýmanitarlyq baǵyttaǵy jalpy sany 15 pánnen synaq tapsyrdy. Olimpiada «El Umiti tsifrlyq onlain platformasy» aqparattyq júiesinde «1 kompiýter – 1 oqýshy – 1 kamera» qaǵidaty boiynsha ótkizildi.
Temirdei tártipte uiymdastyrylǵan bul saiysta súrinbegender laiyqty tuǵyrlarynan kórindi.
– Olimpiadanyń talabyna sáikes, qatysqan oqýshylardyń 45 paiyzy jeńimpaz atandy. Onyń ishinde jeńimpaz oqýshylardyń 20 paiyzy 1 oryn, ekinshi oryndy qatysýshylardyń 30 paiyzy ielense, qalǵan 50 paiyzy 3 orynnan kórindi, – dedi «Jas daryn» ortalyǵynyń direktory Diana Tetenqyzy.
Aitk keteiik, aldaǵy naýryz-sáýir ailarynda Shymkent qalasynda Resýpblikalyq olimpiada ótedi. Oǵan Almaty oblysynan jaratylystaný-matematikalyq baǵytynda 38 oqýshy, qoǵamdyq-gýmanitarlyq pánder boiynsha 36 bala synaq tapsyratyn bolady.
