«Aýyl» partiiasy. Úmitkerler polietilen-agro ujymymen kezdesti
Taraz qalasynda «Aýyl» partiiasynan Parlament Májilisiniń depýtattyǵyna úmitkerler «Polietilen-Agro» JShS eńbek ujymynyń 70-ten astam qyzmetkermen kezdesti. Olar kásiporyn jumysymen, shyǵaratyn ónimderimen tanysyp, damý josparyn talqylady.
«Polietilen-Agro» JShS 10 m deiingi jylyjailarǵa arnalǵan kásibi, kópjyldyq úldir óndiredi. Kásiporyn 2021 jyly «Uly Dala goods» brendimen sapasy jaǵynan álemdik analogtardan kem túspeitin shóp tailaityn polipropilendi shpagat shyǵarýdy qolǵa aldy.
Respublica partiiasy «Jaqtastarmen» kezdesti
Respublica partiiasynyń jetekshileri men depýtattyqqa kandidattary Jetisý óńirine bardy. Sapar barysynda partiialyqtar oblystaǵy birqatar eldi meken men Taldyqorǵan qalasynda boldy. Oblys ortalyǵynda «Jaqtastar» forýmy men partiia jetekshileriniń, depýtattyqqa kandidattardyń jáne respýblikalyq sailaýaldy shtab músheleriniń qala halqymen kezdesýi ótti.
Jinyda partiia músheleri, jergilikti kásiporyndardyń jumysshylary, azamattar men qoǵam belsendileri elimizdiń damýy men órkendeýine qatysty oi-pikirlerin ortaǵa salyp, usynystaryn da jetkizdi.
Respublica partiiasynyń músheleri Jetisý óńirine sapary barysynda Kerbulaq aýdany Saryózek qalasynyń turǵyndarymen de kezdesip, problemalaryn tyńdady.
"Baitaq" – ekologiiaǵa alańdaýly
"Baitaq" jasyldar partiiasyna tiesili
Túrkistan oblysy – elimizde ekologiia jaǵynan qolaisyz alty óńirdiń biri. Al Shymkent qalasy paidalanylǵan avtokólik gazyna eń kóp lastanǵan alǵashqy úsh shahardyń qatarynda. Munda aýaǵa taralatyn ziiandy zattardyń 70 paiyzyn osy kólikten bólinetin gaz quraidy. Onyń ústine qurǵaqshylyq máselesi de ózekti.
"Baitaq" jasyldar partiiasynyń óńirlik shtaby 2023 jylǵy 20 aqpanda Túrkistan oblysynyń Sairam jáne Shymkent qalalarynda Sairam-Shymkent-Túrkistan baǵytymen avtobýs týryn bastady. Atalǵan is-sharaǵa Túrkistan oblysy men Shymkent qalasy shtabynyń músheleri, Túrkistan oblysy men Shymkent qalasynan máslihatqa kandidattary qatysty.
Aktsiia iri qalalar men óńirlerdiń ekologiialyq máselelerine, aýanyń, sý qoimalarynyń jáne landshafttyń lastanýynyń joǵary deńgeiine nazar aýdarýǵa baǵyttalǵan. Mindet-taza qorshaǵan ortany qorǵaýǵa, tabiǵatqa uqypty qaraýǵa, taza energiia men ónerkásip qurýǵa jáne adamdardyń densaýlyǵyn saqtaýǵa shaqyrý.
Kópbalaly otbasyǵa kómek. QHP baǵdarlama usyndy
Qazaqstan Halyq partiiasy men Qazaqstan analarynyń birlestiginiń uiymdastyrýymen respýblikalyq deńgeide Qazaqstan Analarynyń Quryltaiy ótti. Sharaǵa elimizdiń túpkir-túpkirinen delegattar qatysty.
Kún tártibinde kópbalaly, jalǵyzbasty jáne erekshe qamqorlyqty qajet etetin balalardy tárbielep otyrǵan analardyń áleýmettik máseleleri qarastyryldy.
Jiyn barysynda úidiń úlkeni kámeletke tolǵannan keiin analar kópbalaly mártebesinen aiyrylatyny ádiletsizdik dep ashyndy kópshilik. Sebebi, «Kópbalaly ana» mártebesi bolmaǵasyn, memleket tarapynan beriletin jeńildikterden de quralaqan qalady.
Kún tártibindegi taǵy bir másele – múgedek balany tárbielep otyrǵan analar jaiy. Sebebi, jyl saiyn ata-ana balasynyń múgedektigin únemi dáleldeýge májbúr. Osy oraida meditsinalyq-áleýmettik saraptamalardyń jumysyn qaita qarastyrý kerek.
Osy oraida memlekettik aliment qoryn qurý qajet ekeni aityldy. Bul aliment tóleýden jaltarý múmkindigin boldyrmaýǵa kómektesedi. Iaǵni, memleket jalǵyzbasty analarǵa qordan qarjy tóleidi. Al ony atalǵan qor boryshkerler esebinen qaitaryp alady.
