Aldymen Marat Qarabaev Almaty oblysyndaǵy qurylysy júrip jatqan «TehnoNikol-Ortalyq Aziia» JShS-ne tiesili nysandardy aralady.
Vedomstvo basshysy aialdaǵan alǵashqy nysan Talǵar aýdanyndaǵy «Qairat» indýstrialdy aimaǵy boldy.
198,3 gektar aýmaqty alyp jatqan indýstrialdy aimaqta 12 kásiporyn ornalasqan. Olarǵa 104 mlrd.teńge investitsiia tartý josparlanǵan. Nátijesinde 2563 jumys orny qurylady dep kútilýde.
Mamandardyń aitýynsha, aǵymdaǵy jyly 6 kásiporynnyń qurylys jumystary júrip jatyr. Sonyń ishinde biyl 3 birdei zaýytty iske qosý josparlanǵan. Aita keteiik, indýstrialdy aimaqtaǵy úsh taǵandy infraqurylymmen qamtý jumystary jekemenshik seriktestik aiasynda júrgizilip jatyr.
Zaýyt qurylysyna 321 adam jumyldyrylǵan. Bas merdiger -«Dial-Stroi» JShS.
Aǵymdaǵy jyly shilde aiynda ǵimaratty jylytýǵa arnalǵan qurylys materialdaryn shyǵaratyn zaýytty qoldanysqa berý kózdelgen.
Sý jańa zaýyttyń alyp jatqan jer kólemi 30 gektardy quraidy. Kásipkerlerdiń qolyn bailap otyrǵan másele, infraqurylymmen tikelei bailanysty. Zaýyt basshylyǵy osyǵan qatysty ministrlikten qoldaý kórsetýin surady. Marat Kárimjanuly bul máseleni oblys ákimdigimen birlesip, sheshimin shyǵaratynyn aitty.
Ministr bet burǵan kelesi nysan Zarechnyi aýylyndaǵy «Dorplast-invest» JShS boldy.
«Dorplast-invest Production Company» JShS – turmystyq jáne óndiristik maqsattaǵy polimer buiymdaryn shyǵaratyn zamanaýi, qarqyndy damyp kele jatqan kásiporyn. «QTJ» UK» AQ kásiporyndary úshin jol qurylymynyń elementteriniń jetekshi jetkizýshisi bolyp tabylady.
Bul óndiris oshaǵyndaǵy jyldyq ónim kólemi mólsheriniń tómendeýi, otandyq ónimge degen naryqtaǵy suranystyń azaiýy búgingi kúni zaýyttyń jumysyn kenjeletip tur. Artýr Hachatriannyń ýájin tyńdaǵan vedomstvo basshysy ony jeke qabyldaýyna jazyp aldy, suraq aýqymdy bolǵandyqtan jaýapty sala ókilderimen birge otyryp talqylaýǵa shaqyrdy.
«Buǵan qatysty keńinen talqylaý qajetpiz. Sizderdi beisenbi kúni jeke qabyldaýymda kútemin. Sol jerde aqyldasaiyq», - dedi Marat Qarabaev.
Kúnniń alǵashqy bóliginde qos kásiporynnyń jai-kúiimen tanysqan Marat Kárimjanuly oblystyq ákimdik ǵimaratynda óńirdegi basqarma basshylary jáne salalyq kásipkerlermen, sondai-aq óńir turǵyndarymen kezdesý ótkizdi.
Bas qosýda alǵash bolyp sóz alǵan Almaty oblysynyń ákimi Marat Eleýsizuly, ministrdiń bul is-sapary aimaq úshin asa mańyzdy ekenin, aýqymdy jobalardy jandandyrýǵa úles qosatynyn tilge tiek etti.
Artynsha, kásipkerlik jáne indýstrialdy-innovatsiialyq damý basqarmasynyń basshysy Qýanysh Baqytuly baiandama jasady.
Ol óz sózinde, oblysta jalpy aýdany 1,5 myń gektar bolatyn 4 indýstrialdy aimaq baryn, onda quny 140 mlrd. teńgeniń 13 jobasy iske asatynyn aitty. Alaida bul mańdy jaryq pen sýmen jabdyqtaý jumystary tolyq júrgizilmegen. Osyǵan bailanysty qarjylyq qoldaý kórsetýdi surady.
Ministr óz kezeginde qajetti qujattardy jyldam daiyndaý kerektigin eskertti. Úlgermegen jaǵdaida inrfaqurylymdy qarjylandyrý 2024 jylǵa qaldyrylatynyn ashyp aitty.
Jiynda sóz bolǵan kelesi másele, kúre joldyń taǵdyryna bailanysty boldy.
Almaty oblysy jolaýshylar kóligi jáne avtomobil joldary basqarmasynyń basshysy Almas Batanov salaǵa qatysty statistikany sóiletip, máseleni ortaǵa saldy.
Almas Batanov ministrge qazirgi ýaqytta QR Indýstriia jáne infraqurylymdyq damý ministrligi "QTJ" AQ atynan Almaty stantsiiasynyń temirjol torabyn ainalyp ótip, "Jetigen-Qazbek-Bek" ainalma temirjol jelisin salý jobasyn iske asyryp jatqanyn jáne ózi basqaratyn basqarma oblys ortalyǵynyń bas josparynda kózdelgen Qonaev qalasyn ainalyp ótetin tranzittik temirjoldy kóshirý máselesin pysyqtap jatqanyn aitty.
– 2 strategiialyq mańyzdy jobalardy damytý úshin biz joǵaryda atalǵan jobalardyń kólik infraqurylymy negizinde Almaty oblysynda mýltimodaldy kólik-indýstriialyq-saýda habyn qurýdyń tujyrymdamalyq josparyn iske asyrý boiynsha jumys tobyn jasaqtadyq. Osy jobany iske asyrýǵa bailanysty máselelerdi jan-jaqty sheshý úshin, eger siz bizdiń jumys tobymyzǵa ministrlik ókilin qosyp berseńiz jaqsy bolar edi, – dedi Almas Batanov.
– Almaty oblysynyń ortalyǵy Qonaev qalasynan ótetin temir joldy qalanyń syrtyna shyǵarý máselesin kóterip otyrsyzdar. Búgingi kúni Qonaev qalasynyń damý jospary ázirlenýde. Jalpy temir jol júiesin qalanyń syrtyna shyǵarýǵa kelisemiz.
Biraq ekinshi másele tur. Bul Almaty qalasynyń ainalma temir jolyn qurý máselesi bar. Oǵan qatysty tehnikalyq-ekonomikalyq negizdemeni jasai bastadyq. Endigi suraq, osy jobanyń sheńberinde jasaimyz ba, álde jeke joba retinde qarastyramyz ba?
Kezdesý barysynda oblystyq qurylys basqarmasy basshysynyń mindetin atqarýshy Aian Sábituly merdigerlerden daiyn úi satyp alýǵa qatysty oiyn bildirip, bul usynysty qoldaýyn surady.
Ministr bul oidy quptap, aldaǵy ýaqytta oblys ákimdikteri merdiger kompaniialardan úilerdi óz balansyna ótkizý úshin satyp alatynyn aitty.
Al jalpy biylǵy jyly jaldamaly turǵyn úige 100 mlrd.teńge, «Baqytty otbasy» jáne «Shańyraq» bardarlamasyna 163 mlrd. teńge qarastyrylǵan.
Aimaqtaǵy basqarma basshysynyń óz aýzynan túiitkildi máseleni estip, oǵan óz tarapynan tushymdy jaýap bergen Marat Qarabaev Qarasai aýdany, Abai aýylynda ornalasqan «KZ Recycling» JShS-gin betke aldy.
2003 jyly ashylǵan kásiporyn Ortalyq Aziiadaǵy qaǵaz ónimderi men gofrlengen kartonnyń iri óndirýshisi bolyp tabylady. Munda 842 adam eńbek etedi. Jylyna 100 myń tonna 50 túrli ónim shyǵarady.
Zaýyt basshylyǵynyń endigi armany óndiriske qajet qurylǵylardy alý. Oǵan 10 mln. 183 myń eýro qarjy qajet. Aitýlarynsha kásipkerlikti damytý qoryna lizingke ótinish bergen.
Qorap óndirisin kózben kórgen QR Indýstriia jáne infraqurylymdyq damý ministri temir-beton shyǵaratyn «PK Altyn Taǵa» JShS-ne bardy.
Óndiris ailaǵynda 29 bloktan turatyn zaýyt qurylysy júrgiziledi. Búgingi kúni munda 8 nysan salynyp jatyr. Qazirgi kezde kompaniia basshylyǵy qurylysqa 40 mlrd teńgeden astam qarjy jumsaǵan. Qalǵan nysandardy salý úshin memleketten qoldaý qajet ekenin alǵa tartty.
– Kásipkerlikke qoldaý kórsetý bizdiń basty mindetimiz. Sizder bizge qansha qarjy kerek ekenin naqty eseptep berseńizder. Biz qarastyraiyq. Bir aita keterligi bul qarjyny sizderge 9 paiyzdyq mólsherlemen nesie retinde berýdi qarastyrýǵa bolady, – dedi ministr Marat Qarabaev.
Odan shyǵyp, Marat Kárimjanuly eldegi jalǵyz «Almaty turmystyq tehnika zaýytyna» bardy. Zaýyt negizinen gaz jáne elektr plitasy, as úi sorǵyshyn shyǵarady. Aldaǵy ýaqytta televizor jáne kir jýatyn mashina shyǵarýdy qolǵa almaq. Búgingi kúni jyldyq qýaty 50 myń ónim óndirýge qaýqarly, keler jyly bul kórsetkishti 100 myńǵa jetkizý kózdelgen.
Sonymen qatar, ár úsh jyl saiyn zaýyttyń qurylymyn keńeitip, qosymsha kásiporyn ashý josparlanǵan. Aita keteiik, «Almaty turmystyq tehnika zaýytynyń» eń bir ereksheligi mundaǵy mamandardyń barlyǵy jergilikti turǵyndar.
