Bank RBK-dan 144 mlrd teńge jymqyrý isi boiynsha sottalǵan burynǵy bankir Jomart Ertaevtyń bas bostandyǵynan aiyrý merzimi aiaqtalyp, ol búgin, 16 qyrkúiekte bosap shyqty, dep habarlaidy dalanews.kz.
Ertaev 2020 jyly Bank RBK-dan 144 mlrd teńge jymqyrýdy uiymdastyrǵany jáne qylmystyq jolmen alynǵan aqsha men múlikti asa iri kólemde zańdastyrǵany úshin 11 jylǵa sottalǵan. Keiin apelliatsiialyq sot onyń jazasyn toǵyz jylǵa deiin qysqartqan.
Ol 2018 jylǵy 15 qarashada qamaýǵa alynǵan. Sot deregine sáikes, qamaýda bolǵan ýaqyty jaza merzimine «bir kúnge bir jarym kún» esebimen eseptelgen. 2025 jylǵy 2 qyrkúiektegi jaǵdai boiynsha Ertaev 8 jyl 3 ai 14 kún jazasyn ótep, taǵy 11 ai 16 kún qalǵan.
2025 jyldyń qyrkúieginde Ertaev Konstitýtsiianyń 30 jyldyǵyna bailanysty raqymshylyq týraly zań negizinde merziminen buryn bosatylǵan. Alaida keiin bul sheshim apelliatsiialyq tártippen joiylyp, ol koloniiaǵa qaitaryldy.
Sottyń túsindirýinshe, raqymshylyq týraly sheshimniń kúshin joiýǵa onyń jazasyn esepteýge qatysty máseleler men sot aktilerindegi merzimderge bailanysty sáikessizdikter negiz bolǵan.
Ertaevtyń qazirgi bosatylýy raqymshylyqpen emes, taǵaiyndalǵan jaza merziminiń tolyq aiaqtalýymen bailanysty. Búgingi tańda onyń toǵyz jyldyq jaza merzimi aiaqtaldy.
