Akter ári bloger Nursultan Jaqsygenge qatysty sot úkimi shyqty. Sot ony 2 jyl 3 ai merzimge bas bostandyǵynan aiyrdy, dep habarlaidy dalanews.kz.
Buǵan deiin memlekettik aiyptaýshy Jaqsygendi 3 jylǵa bas bostandyǵynan aiyrýdy suraǵan edi.
Is onyń burynǵy jubaiy Fariza Almasqyzymen aradaǵy daýǵa bailanysty qaraldy. Aiyptaý tarapy akterdiń áleýmettik jelide burynǵy jubaiyna qatysty taratqan aqparaty onyń ar-namysy men qadir-qasietine nuqsan keltirgenin alǵa tartqan.
Al Nursultan Jaqsygen buǵan deiin daýly jazbalardyń keibiriniń ózine qatysy joq ekenin aityp, onyń atynan jalǵan paraqshalar ashylǵanyn málimdegen.
Sot protsesiniń sońǵy otyrystary jabyq formatta ótti. Nátijesinde sot Nursultan Jaqsygendi 2 jyl 3 aiǵa bas bostandyǵynan aiyrý týraly úkim shyǵardy.
Sot otyrysynan keiin jýrnalist Rýslan Ótepbai Fariza Almasqyzymen video qońyraý arqyly sóilesken. Jýrnalist istiń mán-jaiyna qatysty áńgimesin Instagram jelisindegi paraqshasynda jariialady.
Ázirge sot úkiminiń zańdy kúshine engen-enbegeni jáne taraptardyń apelliatsiialyq shaǵym túsiretini týraly naqty aqparat joq. Qosymsha málimet jariialanǵan jaǵdaida aqparat tolyqtyrylady.
