Jyl basynda Almaty oblysy ákiminiń orynbasary Batyrjan Baijumanov pen QazUÝ rektory Ǵalymqaiyr Mutanovpen kezdesý barysynda bilim berý jáne qazirgi zamanǵy ǵylymi tehnologiialardyń ózara árekettestigi máseleleri qarastyrylǵan bolatyn.
Mundai ozyq bastamanyń iske asýyna elimizdegi aldyńǵy oryndaǵy bilim oshaǵynyń jaǵdailardy basqarý ortalyǵy sebepker bolǵan.
– Kelisim eki taraptyń mamandarynyń maqsattaryna qol jetkizýine jáne qyzmetkerlerdiń biliktiligin arttyrýǵa, sondai-aq adami kapitalǵa qomaqty úles qosýyna múmkindik beredi, – dedi Jańa bilim berý tehnologiialary institýtynyń direktory Ásel Mýsinova.
Qazaq ulttyq ýniversitetimen kelisim-shartta jariialanǵan baǵdarlamalardyń biri – Coursera onlain rejimindegi keńeitilgen bilim berý platformasy.
– Coursera – bul Internettegi jappai bilim berý salasyndaǵy joba, ony Stenford ýniversitetiniń informatika professorlary Endriý En men Dafna Koller qurǵan. Bul onlain oqytý salasyndaǵy kóshbasshylardyń biri, – deidi Ál-Farabi atyndaǵy QazUÝ jaǵdaidy basqarý ortalyǵy direktorynyń orynbasary, Ernar Ońalbekov.
Osylaisha, ákimdik ishki saiasat bólimimen oǵan baǵynysty uiymdar qyzmetkerleriniń biliktiligin arttyrýǵa niet bildirdi.
Aita ketý kerek, taraptar el Prezidenti Qasym-Jomart Toqaevtyń jetekshi álemdik ýniversitettermen strategiialyq seriktestikti damytý jónindegi memlekettik saiasatyn ustanady. Almaty oblysy Ishki saiasat basqarmasynyń basshysy Rýstam Álidiń aitýynsha, eki jaq ta bilim sapasy men alǵan biliminiń tiimdiligine úlken mán beredi.
– N.Á.Nazarbaev uzaq sapardyń negizi – ǵylym men bilim ekenin árqashan basa aitady. Halyqtyń biliminiń joǵary bolýy kez kelgen eldiń mańyzdy básekelik artyqshylyǵy bolyp tabylady, – dep túiindedi bólim basshysy.
Esterińizge sala keteiik, Coursera jobasy bir júiede ártúrli bilim salalarynda kýrstar shyǵaratyn jáne ótkizetin ýniversitettermen yntymaqtastyq jasaidy.
Bilimgerler kýrstarǵa qatysady, kýrstastarymen qarym-qatynas jasaidy, testter men emtihandardy tikelei Coursera veb-saitynda alady, sonymen qatar iPhone jáne Android úshin resmi mobildi qosymsha iske qosylady. 2017 jylǵy aqpandaǵy jaǵdai boiynsha Coursera-da 24 million qoldanýshy jáne 149 bilim berý mekemesinen 2000-nan astam kýrstar men 160 mamandandyrýlar tirkelgen. Bul qyzmettiń barlyq salalarynda halyqaralyq sertifikattar alýǵa múmkindik beredi jáne básekege qabiletti kadrlardyń ósýine kómektesedi.
Anar SABYROVA, Almaty oblysy
