Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Qordai aýdanynyń 5 aýylyn gazdandyrý jumystary bastaldy

Dalanews
Qordai aýdanynyń 5 aýylyn gazdandyrý jumystary bastaldy
«QazTransGaz» AQ Jambyl oblysynyń ákimdigimen birlesip, Qordai aýdanynyń 5 eldi mekenine gaz jetkizetin qubyrlardy tartý jumystaryn bastady. Aldaǵy ýaqytta Aýhatty, Bular batyr, Sortóbe, Masanshy jáne Karakemer aýyldarynyń turǵyndary kógildir otynnyń qyzyǵyn kóretin bolady. Atalǵan jumystar Respýblika Prezidenti Q.Toqaevtyń tapsyrmasyna sai júrgizilýde.

Jobaǵa sáikes 73 shaqyrymdyq joǵary qysymdy gaz qubyrlary tartylady. Onyń 42 shaqyrymy «QazTransGaz» AQ investitsiialyq baǵdarlamasy esebinen salynady. Osy jumyspen birge gaz mamandary «Qordai» avtomatty gaz taratý stansasyn da qaita jabdyqtaýdy bastady, bul  stansanyń ótkizý qabiletin arttyrý úshin jasalyp otyr. Jobanyń qalǵan bóligi biýdjet qarjysy esebinen júrgiziledi.



Osy jobany iske asyrý – jalpy sany 50 myń turǵyny bar 5 eldimekendi tabiǵi gazben qamtamasyz etedi. Bul joba kógildir otynǵa 5 282 turǵyn úi men 274 áleýmettik sala men kásipkerlik nysandardy qosýǵa múmkindik beredi.


Jetkizýshi gaz qubyrlaryn tóseý jumystaryn aiaqtaý joba boiynsha biylǵy 25 jeltoqsanǵa deiin josparlanǵan. Biraq, merdiger uiymdar jumysty osy jyldyń 1 qyrkúiegine deiin aiaqtaýmyz degen  mindetteme alyp otyr.

Sonymen qatar, bolashaqta bul joba taǵy 12 eldi mekenge gaz qubyryn tartý jumystaryn josparlaýǵa múmkindik beredi. Bul jaǵdaida aýdandaǵy gazdandyrylǵan eldi mekender sany 29-ǵa jetedi. Aýdanda barlyǵy 41 eldi meken bar, iaǵni bul san barlyq eldi mekender sanynyń 70% quramaq.

«QazTransGaz» AQ Baspasóz-qyzmeti
gaz Qordai QazTransGaz Masanshy Sortóbe Aýhatty Bular batyr Karakemer gaz tartý Madina Sádýaqasova

Oqi otyryńyz