Kezdesý QR Premer-Ministriniń orynbasary Eraly Toǵjanovtyń, Almaty ákimi Baqytjan Saǵyntaevtyń, Ulybritaniianyń halyqaralyq saýda ministri Ranil Djaiavardenniń, Ulybritaniianyń Qazaqstandaǵy elshisi Keti Lichtiń qatysýymen ótti. Talqylaýǵa QR Mádeniet jáne sport ministri Aqtoty Raiymqulova, QR Bilim jáne ǵylym birinshi vitse-ministri Sh. Karinova, Ortalyq Aziia boiynsha British Council, DMU Lester, EdPeritus UK Ltd jáne Almaty kreativti indýstriia keńesiniń ókilderi qatysty.
Dóńgelek ústelge qatysýshylarǵa arnaǵan sózinde QR Premer-Ministriniń orynbasary Eraly Toǵjanov kreativti indýstriialar jańa tehnologiialardyń, salalardyń negizgi kózi jáne ekonomikalyq ósýdiń draiveri retinde yqpal etetinin atap ótti.
– Elimizdiń indýstriia salasy birinshi kezekte talantty jastar úshin jańa joǵary tabysty jumys oryndaryn qurýdy, olar úshin múldem jańa «áleýmettik liftilerdi» qalyptastyrady, – dep atap ótti Eraly Toǵjanov.
Qazaqstanda sońǵy 10 jylda kreativti indýstriia salasyndaǵy investitsiialar kólemi 4 esege deiin ulǵaiǵan. Bul salada elimizdiń barlyq jumyspen qamtylǵan halqynyń 3,5%-y nemese 310 myń qazaqstandyq jumys isteidi. Búgingi tańda kreativti indýstriialardyń Qazaqstan ekonomikasyna úlesi 2,7%-dy quraidy.
– Progressivti álemdik praktika negizinde osy salanyń áleýetin damytý maqsatynda Úkimet sarapshylar qaýymdastyǵymen birlesip, kreativti indýstriialardy damytýdyń 2021-2025 jyldarǵa arnalǵan tujyrymdamasyn ázirleýde. Kreativti indýstriiany damytý boiynsha memlekettiń biryńǵai kózqarasy qalyptasady jáne ony damytý boiynsha jańa tásilder aiqyndalady, - dedi Eraly Toǵjanov dóńgelek ústelge qatysýshylardy osy qujatty ázirleýge qatysýǵa shaqyrdy.
Almaty ákimi Baqytjan Saǵyntaev kreativti indýstriialar «Almaty – 2050» uzaq merzimdi damý Strategiiasynyń basym baǵyttarynyń biri ekenin atap ótti.
– Bizdiń qalamyzda talanttar, jastar kóp, ziiatkerlik áleýet joǵary. Almatyda 37 joǵary oqý orny bar, olarda 182 myń stýdent oqidy. Bul rette QS World University Ranking 2020 nusqasy boiynsha alty joǵary oqý orny álemniń 1000 úzdik ýniversitetteriniń qataryna kiredi. Sondyqtan AT jáne kreativti indýstriiamen bailanysty dál osy salalar suranysqa ie ári biz qazirdiń ózinde qamtamasyz etip otyrǵan qoldaýdy qajet etedi, – dedi Baqytjan Saǵyntaev.
Júrgizilgen taldaýǵa sáikes, Almaty qalasynyń kreativti sektorynda 17,8 myń kásiporyn jumys isteidi. Bul barlyq kásiporyndardyń 8,8%-yn quraidy. 2025 jylǵa qarai bul kórsetkishti 31,4 myńǵa deiin (10,2%) arttyrý josparlanýda. Munda shamamen 44,9 myń adam jumys isteidi.
2020 jyly qalanyń kreativti indýstriialary kásiporyndarynan túsken salyq kólemi 37,7 mlrd teńgeni, al kórsetilgen qyzmetter kólemi – 402,8 mlrd teńgeni qurady. Demek, Almatyda kreativti ekonomikany damytý úshin qajetti resýrstar bar.
Álemdik tájiribege sáikes kreativti ekonomikany damytý úshin kreativti kásiporyndardyń, ýniversitetter men qalanyń sinergiiasy qamtamasyz etiledi. Damý strategiiasy 10 baǵytqa – kino jáne animatsiia, ádebiet, sán, jańa media jáne tsifrlyq mádenietter, teatr, opera jáne balet, kibersport jáne geimdevolopment, sáýlet jáne dizain, mýzyka, qazirgi zamanǵy óner, oiyn-saýyq indýstriiasyna negizdelgen.
Iske asyrý úshin qarjylyq jáne qarjylyq emes qoldaý tetikteri qoldanylady. Búginde jalpy somasy 513 mln teńgege 9 joba qarjylandyryldy. Almaty Finance jáne «Almaty MQO» jelisi boiynsha aǵymdaǵy jáne kelesi jyldyń qorytyndysy boiynsha kreativti kásipkerlerdi qoldaýǵa 630 mln teńgege deiin qarjy bólý josparlanýda.
Almaty – «mýzyka» shyǵarmashylyq baǵyty boiynsha IýNESKO-nyń kreativti qalalar jelisine kiretin Ortalyq Aziiadaǵy jalǵyz qala. 2022 jyly zerthana rezidentteri – mýzykanttar arasynda zamanaýi mýzyka men kollaboratsiia arasynda Open Music Lab mýzykalyq zerthanasyn iske qosý josparlanýda.
Qalada kreativti indýstriialar salasyndaǵy alǵashqy tabysty infraqurylymdyq joba – Alatau kreativti haby qazirdiń ózinde jumys isteidi ári kún saiyn 700-ge jýyq adam ainalysady. Munda kovorking-keńistik, balalarǵa arnalǵan 25 tegin shyǵarmashylyq úiirme, sheberlik synyptaryna arnalǵan alań, mediateka, ArtBi bilim berý-kórme ortalyǵy bar. Osyndai ortalyqtar qalanyń barlyq aýdandarynda qurylýda.
Keiinirek qalanyń ár aýdanynda kreativti habtar jelisi qurylatyn bolady.
Dóńgelek ústelge qatysýshylar ózara pikir almasty, sondai-aq Almaty ákimi Baqytjan Saǵyntaevtyń kreativti indýstriialardy damytý boiynsha júrgizilip jatqan jumystardy saraptamalyq jáne taldamalyq súiemeldeý jónindegi bastamasyn qoldady.
