Basqarma basshysynyń sózinshe, jalpy óńirde basqarmaǵa qarasty 43 meditsinalyq uiym bar.
– Memleket tarapynan densaýlyq saqtaý salasyna kóp kóńil bólinip, tiisti deńgeide qarjylai qoldaý kórsetilip jatyr. Máselen, aimaqtaǵy meditsinalyq ǵimarattardyń tozýy 58,1 paiyzdy quraǵan bolatyn. Osyǵan bailanysty 2020 jyly oblystyq biýdjetten aýdan-qalalardaǵy emhanalar men aýrýhanalardy kúrdeli jóndeýden ótkizý úshin 809,5 mln teńge bólindi. Nátijesinde 2021 jyly 5 nysan jańartylsa, 7 nysanda jóndeý jumystary júrgizilýde. Odan bólek, memlekettik-jekemenshik áriptestik aiasynda 7 feldsherlik-akýsherlik pýnktterdiń qurylys jumystary atqarylýda, – dedi Marat Pashimov.
Sonymen qatar, basqarma basshysy 2020 jylǵy jalpy transfert esebinen 2,5 mlrd teńge qarjy bólinip, RB – 238 dana, JB – 2828 dana meditsinalyq tehnika satyp alynǵanyn jetkizdi. Birinshi kezekte ana men bala, jansaqtaý, ota jasaý qyzmetin kúsheitýge jumsalǵan. Al, biyl 2 KT apparat, anesteziologiia jáne reanimatsiia bólimshelerin jaraqtandyrý maqsatynda – 392 dana, ana men bala bólimine – 87 dana meditsinalyq tehnika alynǵan.
Oblystyń bas dárigeri óńirdiń epidemiologiialyq jaǵdaiyna da toqtaldy. Búginge deiin oblys halqynyń 93 paiyzy nemese 973 852 adam koronavirýs indetine qarsy ekpeniń I komponentin saldyrǵan, al 895 859 azamat II komponentin qabyldaǵan. Osyndai kórsetkishpen Túrkistan oblysy vaktsinatsiialaý boiynsha respýblikada birinshi orynǵa shyqqan.
Aita keteiik, óńirdegi meditsinalyq uiymdarda jalpy 24 340 maman jumys istese, onyń 5 496-i dárigerler, 18 844-i orta býyn qyzmetkerleri. Olardyń bilimin jetildirý maqsatynda byltyr 1 694 dáriger, 928 orta býyn qyzmetkerdiń bilimi jetildirilgen. 2021 jyly– 1212 dáriger, 1300 orta býyn qyzmetkerler bilimi jetildirilgen.
