– Biz Alakól siiaqty ystyq núktelerdiń baǵyttaryn jiti qadaǵalap otyrmyz. Qazir Alakólge 11 baǵytta marshrýt júredi. Ótken jyldyń problemalaryn esepke alyp, biylǵy jyly biz barlyq vagondarda konditsionerdi iske qostyq, platskart sany azaiyp, kýpeler kóbeidi. Ministrliktiń qoldaýymen, taǵy da eki talgo poiyzy atalǵan baǵytta jolaýshylar tasymalymen ainalysady. Ótken jyly jedel poiyzdardyń joqtyǵy qatty synǵa salynǵan edi, – dedi Jánibek Jumauly.
Sondai-aq, tóraǵa Basqarmadaǵy jańa ózgerister men biletterdi alypsatarlarǵa qatysty máseleni de atap ótti.
– Standartty vagondardyń 800-i eski tiptegi vagondar, olardyń paidalaný merzimi 28-44 jyl aralyǵyn quraidy. Osy vagondardyń 70-ke jýyǵynda konditsioner qosylmaǵan, qalǵandary tolyqtai jabdyqtalǵan. Sondai-aq, Ulttyq kompaniialarǵa 700-ge jýyq konditsioner, klinig qyzmetin kórsetý salasynda jańa standarttar engizdi. Atap aitsam, jolaýshylardyń jolǵa shyǵar aldynda jáne sapar aiaqtalǵannan keiin, sapar barysynda ár tórt saǵat saiyn úsh ret tazalyq jumysy júrgiziledi. Biletterdi alyp satatyndarǵa qatysty aitar bolsam, biz qazir jolaýshy biletterin mobildi qosymshalar arqyly satamyz. Atalǵan qosymshanyń nátijesi jaqsy. Qazir bizde biletke qatysty alypsatarlyq joq, – dedi ol.
«Jolaýshy tasymaly» AQ halyqaralyq reisterdi de iske qosqan. Búgingi tańda TMD aýmaǵynda 11 marshrýt júredi. Búgingi tańda Qazaqstan Respýblikasynyń aýmaǵy boiynsha 130-dan astam jolaýshylar poiyzy júrip jatyr. Jyljymaly quram parkinde 2,6 myń jolaýshylar vagony bar, ortasha tozý deńgeii 46%.
Sońǵy 10 jylda 1,1 myńnan astam jańa vagon, onyń ishinde 600-ge jýyq «Tulpar-Talgo» vagony satyp alynǵan. Aǵymdaǵy jyly taǵy 73 vagon satyp alynady. Osyǵan qaramastan, 800-den astam vagonnyń merzimi 30 jyldan asady, olar suranystyń ósý kezeńinde poiyzdarǵa qosylady.
Eskirgen vagondar máselesin sheshý úshin ministrlik birqatar sharalar qabyldap jatqandaryn alǵa tartty.
– Eýropalyq tehnologiialar boiynsha otandyq jolaýshylar vagondarynyń óndirisin uiymdastyrý. Ol úshin shveitsariialyq Shtadler kompaniiasy tartyldy. Joba aiasynda «Tulpar» vagon jasaý zaýytynyń bazasynda 537 vagon shyǵarý josparlanýda. Vagondar keminde 35% oqshaýlaý deńgeiimen, eýropalyq sapa standarttarymen jáne jańa tehnologiialar transfertimen shyǵarylatyn bolady. Memlekettik qoldaý tetigin engizý arqyly tasymaldaýshylardy vagondardy jańartýǵa yntalandyrý.
Ministrlik vagondardy satyp alýǵa kredit berý kezinde syiaqy mólsherlemelerin sýbsidiialaýǵa jyl saiyn qarajat bóledi. Sońǵy 5 jylda osy baǵdarlama aiasynda jeke tasymaldaýshylar 85 vagon satyp alyp, salaǵa 3 mlrd.teńgeden astam qaryz investitsiiasyn tartty, – dep málim etti ministrlik ókili.
