Aqparatty tekserý úshin Pavlodar qalasynyń aqparattyq jáne áleýmettik damý bólimi jáne İshki saıasat bólimi ókilderi bar jumys toby oqıǵa ornyna barǵan. Qoqys polıgony Pavlodar alúmını zaýytynan on shaqyrym jerde ornalasqan bolyp shyqty.
Qazirgi ýaqytta tártip saqshylary memlekettik rámizderdi durys qoldanbaǵan tártipbuzýshyny izdestirip jatyr.
– Jedel-tergeý sharalary júrgizilip jatyr, Qylmystyq kodekstiń 372-baby «Memlekettik rámizderdi qorlaý» boıynsha sotaldy tergeý bastaldy, – dedi oblystyq Polısıa departamenti ókilderi.
Memlekettik rámizderdi aýystyrý nemese kádege jaratý tártibi arnaıy erejelerde belgilengen. Olardyń birine 2,5 sharshy santımetrden aspaıtyn bólikterge kúıdirý, balqytý nemese untaqtaý jatady, olar qaıta paıdalanylmaıtyndaı pishinsiz massaǵa nemese untaqqa aınalady.
Tártip buzýshylarǵa 2000 AEK (6 mıllıon teńgeden sál astam) kóleminde aıyppul salynady nemese túzeý jumystary, 600 saǵatqa deıin qoǵamdyq jumystarǵa tartý, eki jylǵa deıin bas bostandyǵyn shekteý nemese bas bostandyǵynan aıyrý jazasy qarastyrylǵan.
