Alakól aýdanynada qoǵamdyq jumyskerlerge qurmet kórsetildi
Osyǵan orai, shuǵyla kóktemniń jaima-shýaq merekesi qarsanyńda «Alakól – Aqjúrek» eriktiler toby qoǵamdyq jumyskerlerge qurmet kórsetip, syi – siiapattaryn tabystady. Qalys qalmaǵan názik jandy arýlarymyz óz kezekterinde erikti jastarǵa rizashylyqtaryn bildirip, jumystaryna sáttilik tiledi.
Jalpy, aýdan boiynsha qoǵamdyq jumysqa 535 adam tartylǵan. Onyń 317-i er azamattar bolsa, 218-i áiel azamatshalar. Al, aýdan ortalyǵy Úsharal qalasynda 112 azamatsha qoǵamdyq jumyspen qamtylǵan.
«Týyp-ósken jerim bolǵandyqtan Úsharal men úshin orny bólek. Kún saiyn kórkeiip, ósip kele jatqan qalaǵa óz úlesimdi qosqanyma qýanamyn», – deidi kóshe sypyrýshy.
Derek kózderine súiensek, aýla, kóshe tazalaýshylardyń shetelderde bedeli joǵary. Máselen, Londonda ótken Olimpiada oiyndarynda aýla sypyrýshylardyń kómegi zor bolǵan. Olar týristermen durys sóilesýdi, qalanyń ereksheligi jóninde aldyn-ala daiyndyq kýrstarynan ótken kórinedi. Sóitip álemniń túpkir-túpkirinen kelgen týristerge Londondy qala sypyrýshylar tanystyrǵan. Tipti, prezidentter de aýla jinaýshy bolǵan. Máselen, Resei Fedaratsiiasynyń eks-prezidenti D. Medvedev te eńbek jolyn qala tazalaýdan bastaǵan. AQSh-tyń eks-prezidenti B. Klinton da kóshe sypyrǵan. Sol sebepti, qala tazalyqshylarynyń qoǵamda da ózindik orny bar. Oǵan dálel retinde Reseidiń 10 qalasynda aýla tazalaýshylarǵa arnalǵan eskertkishin aitýǵa bolady.
Iá, «Tazalyq – densaýlyq kepili»- demekshi, qyzmetkerlerdiń eńbegin baǵalap, túsinistikpen qaraý árbir azamattyń qolynan keletin izgi isterdiń biri ekeni sózsiz.
Alakól aýdany ákimdiginiń baspasóz qyzmeti
