Mektepte toǵyz aiǵa sozylǵan oqýdan bosaityn balalardyń jazǵy demalysyn ata-anasy josparlap qoiady. Biri aýylǵa ata-ájesine barsa, biri saýyqtyrý lagerlerine barýdy jón sanaidy. Tabiǵaty ásem de kórkem jerde ornalasqan lager kez-kelgen balaǵa úlken áser qaldyratyny sózsiz.
Osy rette, aidyndy Alakól jaǵalaýynda balalarǵa arnalǵan saýyqtyrý orynynyń jumysy qolǵa alynyp, Almaty oblysy búldirshinderiniń demalysyn paidaly ári qyzyqty ótkizý maqsatynda óńirde jańa balalar kesheni boi kótermek. Atalmysh lager jumysyna jaýapty Almaty oblysy qurylys basqarmasy.
«Jalyn» qala syrtyndaǵy balalar demalys ornynyń jobasyna sáikes lager aýmaǵynda 20 oryndyq bes jatyn korpýs, bir shyǵarmashylyq úi, bir ashana, personalǵa arnalǵan jataqhana, bir medpýnkt, balalar alańy, balalar qalashyǵy, sport alańdary, qonaq úi salyný josparlanýda.
Sonymen qatar, oblys boiynsha jazǵy demalys kezinde bir maýsymda 100 – den astam balany qabyldaý kózdelip otyr. Ol degenimiz bir maýsym on kún aralyǵyn qamtysa, alty maýsymda 600 dei balaǵa demalýǵa múmkindik jasalady.
Aityp ótý kerek, demalys ornyna keletin balalar toby jas erekshelikterine bailanysty jinaqtalady. Budan bólek, qurylys- montaj jumystarynyń aiaqtalý merzimi osy jylǵa josparlanyp otyr.
Sondai – aq, qurylys jumystaryna 100-ge jýyq adam jumyspen qamtylsa, onyń ishinde shtattyq rejimde 47 turaqty jumys ornyń ashý qarastyrylýda.
«Jumyspen qamtýdyń jol kartasy» baǵdarlamasy sheńberinde salynatyn jasóspirimderge arnalǵan «Jalyn» qala syrtyndaǵy lagerdiń jalpy quny 1,109,452,323 mln.tg. quraidy.
Mamandardyń aitýynsha Aqshi aýyly mańynda boi kóteretin «Jalyn» qala syrtyndaǵy lageriniń ǵimarattary men qurylystaryn qazirgi zamanǵy talaptarǵa sai jasaqtalady.
Bul óz kezeginde balalardyń emin erkin demalýyna qolaily jaǵdai jasaý men salaýatty ómir saltyn ustanýyna yqpal etedi.
Zamanaýi úlgide boi kóteretin lager keler jyly tolyǵymen aiaqtalyp, jas jetkinshek balalardyń igiligine beriletin bolady.
Alakól aýdany ákiminiń baspasóz qyzmeti
