Ál-Farabi atyndaǵy Qazaq ulttyq ýniversiteti aǵymdaǵy jyly 562 bilim berý baǵdarlamasyn júzege asyrýda. Onyń ishinde 149 bakalavriat, 285 magistratýra, 128 doktorantýra baǵdarlamasy qamtylǵan,- dep habarlaidy Dalanews.kz
Kópsalaly jetekshi ýniversitettiń bilim berý baǵdarlamalary qazirgi zamanǵy jahandyq ózgeristerge, eńbek naryǵyndaǵy suranysqa jáne ulttyq ekonomikanyń damý basymdyqtaryna sai beiimdelgen. Ýniversitet mamandardy daiarlaýdy ártúrli salada: irgeli ǵylymnan bastap – qoldanbaly zertteýlerge, gýmanitarlyq baǵyttardan – injenerlik jáne tehnologiialyq mamandyqtarǵa deiin keń kólemde júzege asyrady.
Atap aitqanda aqparattyq tehnologiialar jáne jasandy intellekt; injeneriia, energetika, iadrolyq jáne ýran óndirisi; biomeditsina jáne qoldanbaly biofizika; ekologiia, geologiia jáne seismologiia; halyqaralyq qatynastar, quqyq, qoǵamdyq diplomatiia; jýrnalistika, til bilimi jáne filologiia; qarjy, ekonomika, biznes-taldaý jáne menedjment salalarynda básekege qabiletti kadrlardy eńbek naryǵyna qosýda.
Sondai-aq QazUÝ tsifrlyq dáýir talaptaryna sai biyl birneshe jańa innovatsiialyq baǵdarlamany iske qosty. Olardyń qatarynda: «Jasandy intellekt», «Baǵdarlamalyq injeneriia», «Áskeri kriptologiia», «Biomeditsinalyq injeneriia», «Qoldanbaly biofizika», «IT-menedjment», «Jer silkinisteriniń geologiiasy» jáne basqa da baǵyttar bar.
Ýniversitet 60 qosdiplomdyq baǵdarlama usynady. Bul baǵdarlamalar Germaniia, Portýgaliia, Italiia, Qytai, Resei, Frantsiia syndy elderdiń jetekshi joǵary oqý oryndarymen birlesken. Seriktester qatarynda Vismar ýniversiteti (Germaniia), Lissabon ýniversiteti (Portýgaliia), La Sapientsa ýniversiteti (Italiia), Soltústik-batys politehnikalyq ýniversiteti (QHR), M.V.Lomonosov atyndaǵy MMÝ (Resei) jáne taǵy basqalar bar.
Sonymen qatar ýniversitet óz qyzmetin jahandyq deńgeide keńeitip keledi. Qazirgi ýaqytta Túrkiia, Qyrǵyzstan, Resei elderinde QazUÝ filialdary ashylyp, tabysty jumys isteýde. QazUÝ bazasynda MIFI (RF) jáne Soltústik-batys politehnikalyq ýniversitetiniń (QHR) filialdary qyzmet atqarady.
Ýniversitet tsifrlyq transformatsiiany da qarqyndy igerýde: Open KazNU onlain platformasynda 127 onlain kýrs qoljetimdi, Coursera platformasymen integratsiialaý jalǵasýda, al bilim berý úderisine generativti jasandy intellekt (GenAI) tehnologiialary engizilýde.
Búgingi tańda QazUÝ-da 27 500-den astam stýdent bilim alýda, onyń ishinde 50-den astam elden kelgen 4000-nan astam sheteldik stýdent bar. Bul ýniversitettiń halyqaralyq bilim keńistiginde joǵary bedelge ie ekeniniń aiqyn kórsetkishi.
