Premer-ministr Oljas Bektenov Úkimette ótken brifing barysynda kommýnaldyq qyzmetterdiń tarifteri alda da qymbattai beretinin málimdedi. Olar muny kommýnaldyq sala tarifterin naryqtyq deńgeige jetkizý úshin jasap jatqandaryn naqtylady, dep habarlaidy Dalanews.kz.
Bektenov kommýnaldyq qyzmetter tarifteriniń ósimi ary qarai óz jalǵasyn taba beretinin atap ótti.
"Osy alańdy paidalana otyryp, tarifterdiń ósimi óz jalǵasyn tabatynyn aitqym keledi. Árine, aitqanǵa aýyr jáne jaǵymsyz jait. Biraq Úkimet bul týraly ashyq aityp, tarifterdi naryqtyq jaǵdaiǵa keltirý saiasatyn júrgize beretin bolady", – dep sózin tolyqtyrdy premer-ministr.
Onyń aitýynsha, tarifter óte uzaq ýaqyt boiy rettelip, TKSh-ǵa investitsiia salýǵa múldem múmkindik bermegen, sonyń saldarynan 2022 jáne 2023 jyldary, ásirese Ekibastuz ben Ridderdegi apatty jaǵdailarǵa ákelip soqqanynyń kýási bolyp otyrmyz.
"Eger biz qysta úiimiz únemi jyly bolǵanyn, jaryq, sýmen únemi qamtylýdy qalasaq, basqa da injenerlik jelilerdiń jaqsy jumys isteýine múdde bolsaq, onda munyń barlyǵy tarifterdi kóterý jolymen júrýi kerek bolady. Biz infliatsiiaǵa tarifterdiń qysymyn tómendetý maqsatynda keibir tarifterdi ulǵaitý sharasyn sál keiinge qaldyrdyq. Biraq, tutastai alǵanda , bul saiasat alda óz jalǵastyǵyn tabady", - dedi ol.
Buǵan deiin elimizde kommýnaldyq qyzmetterdiń keibir tarifterin kóterý keiinge qaldyrylǵanyn, Úkimet bul azamattardyń qarjylyq júktemesin azaitýǵa jáne infliatsiia deńgeiin turaqtandyrýǵa múmkindik beredi dep sanaitynyn jazǵanbyz.
