Borodýliha aýdanynyń prokýratýrasy úsh orta mekteptiń 194 qyzmetkeriniń jeke málimetteriniń tarap ketkenin anyqtady. Bul zańbuzýshylyq memlekettik satyp alýlar portalyna monitoring júrgizý barysynda belgili boldy, dep habarlaidy Dalanews.kz.
Bilim berý mekemeleri memlekettik satyp alý boiynsha meditsinalyq tekserýden ótý úshin qyzmetkerlerdiń tizimderin jariialaǵan, onda barlyq qyzmetkerlerdiń jeke málimetteri, onyń ishinde tolyq anketalyq málimetter, JSN jáne basqa da aqparattar kórsetilgen.
Qoldanystaǵy zańnamaǵa sáikes, mundai málimetter mindetti túrde qorǵalýǵa tiis. Shekteýli qoljetimdi aqparatqa qol jetkizgen tulǵalar onyń qupiialylyǵyn qamtamasyz etýge mindetti jáne málimetter iesiniń kelisiminsiz nemese zańdy negiz joq jaǵdaida jeke aqparatty taratýǵa quqyly emes.
Mektep basshylyǵynyń bul talaptardy saqtamaýy jeke málimetterdiń zańsyz maqsatta paidalanylý qaýpin týǵyzdy.
Tekserý qorytyndysy boiynsha aýdan prokýratýrasy mektep direktorlaryn QR Ákimshilik quqyq buzýshylyqtar týraly kodeksiniń 79-baby 2-bóligi boiynsha ákimshilik jaýapkershilikke tartyp, 1 million teńgeden astam aiyppul saldy, sondai-aq olar tártiptik jazaǵa tartyldy.
Qazirgi ýaqytta aýdandyq bilim bólimi bolashaqta uqsas buzýshylyqtardyń aldyn alý maqsatynda sharalar qabyldaǵan.
