Búgingi tańda bul qosymsha el arasynda qyzyǵýshylyq týdyryp, qazirgi ýaqytqa deiin 10 myńǵa jýyq adam uialy telefondaryna ornatyp úlgergen.
Qosymshada elimizdegi 2 myńǵa jýyq oblys, aýdan, aýyl ákimderin túrli kriteriiler boiynsha baǵalaýǵa bolady. Jobany ázirleýshiler úlken «eńbek» etkeni kórinip-aq tur. Barlyq basshylardyń ómirbaiany, qyzmet etken jerleri túgel kórsetilgen.
Alaida bul qosymshada asyǵystyqqa jol berilip, biraz qatelik ketkeni baiqalady. Keibir derekterdiń ózekti emes ekenine kóz jetkizýge bolady.
Mysaly, Tamara Rahymjanova Glýbokoe aýdanynyń ákimi dep kórsetipti saitty ázirleýshiler. Bul qate aqparat. Anyǵy, atalǵan aýdannyń ákimi Eldar Týmashinov. Bylaisha aitqanda, qyzmette joq basshyǵa adamdar baǵasyn berýde.
Abai aýdanynyń ákimi Nurjan Ábdikárimovti belgisiz sebeptermen Shymkentke jóneltip jibergen.
Mobildi qosymshanyń sipattamasynda "barlyq deńgeidegi ákimder arasynda básekelestik orta qurý úshin ázirlendi» dep jazypty. Biraq «Reiting jasaý» mehanizmi jetildirilmegen.
Jalpy, qazirgi ýaqytta ákimderdi bir-birimen jarystyrý qanshalyqty mańyzdy? Odan kim, ne utady? Kózaldaýǵa qurylǵan reitingtiń saýdaǵa salynbasyna kim kepil? Elde budan basqa másele joq pa?
ShQO elimizde turǵyn úi qurylysy qarqyndy júrip jatqan óńir. Aldyńǵy qatarly meditsina jáne innovatsiialyq bilim berý boiynsha kósh basynda. Apatty jaǵdaidaǵy mektepteri joq, balalar úsh aýysymda oqymaidy.
Resmi statistika boiynsha sońǵy 3 jylda óńir basshysynyń ózi de úzdik úshtiktegi ákimderdiń qatarynan kórinip keledi.
Reiting – bul laik nemese dizlaiktan turmaidy, al aimaqta atqarylǵan orasan jumystardyń bári «bas barmaqpen» ólshense ol qundylyq emes. Qarap otyrsaq osy reiting boiynsha, oblysta atqarylǵan sharýa joqtyń-qasy ispetti. Árine, másele kóp. Biraq eger ShQO shynymen qolaisyz óńir bolsa, sol aimaqtan údere kósher edi ǵoi?!
Oblysqa qarasty aýdandaǵy ákimderge qarasaq Ridder qalasynyń ákimi Dmitrii Gorkovoi reitingte 2-shi orynda, Altai qalasynyń ákimi Qalihan Baiǵonysov úshinshi orynda.
Qazaqstannyń barlyq aýdan ákimderiniń arasynda Zaisan aýdanynan Serik Zainýldin 7-shi orynda.
Qosymshada baǵalaý kórsetkishi túrli oiǵa jetelidi.
Basty bette - Ridderdiń ákimi Dmitrii Gorkovaianyń 157,60 upaiy bar, birden " aýdan ákimderi" bólimine ótemiz – ol 514 upaiymen aldyńǵy qatarda. Árine, ákimniń jumysyna shek keltirmeimiz. Biraq baǵdarlama bir ýaqytta ártúrli derekterdi beredi.
Ázirleýshiler matematikadan qanshalyqty habary bar degen suraq týyndaidy. Múmkin tehnikalyq qatelik der.
Nátijesinde aýdandar arasynda ShQO-nyń 13 ákimi oń reitingke ie bolǵan. Barlyǵy 15 aýdan! Bul oblystyq basshylyǵynyń belgili bir dárejede is atqaryp kórsetkishi emes pe? Ákimder komandasy óte tabysty jumys isteýde!
Al salystyrmaly túrde alyp qarasaq Soltústik Qazaqstan oblysynan oń reitingte nebári 5 ákim bar.
Aýdandar ákimderiniń reitinginde oza shapqan Shyǵys Qazaqstan oblysy qalai ǵana eń nashar reitingke ie boldy?
Bir qyzyǵy 971,80 dizlaik jinaǵan Óskemen qalasynyń ákimi Jaqsylyq Omar da eń nashar ákim bolyp tanylypty. Al bar bolǵany 20.00 upaiǵa jinaǵan Qaraǵandy qalasynyń ákimi Ermaǵanbet Bólekpaev Jaqsylyq Muqashulynan keiin keledi.
Jasyrary joq, ShQO-nyń turǵyndary óńirdiń tynys-tirshiligen belsendi atsalysyp otyrady.
Ózge ákimder týraly aitsaq, atalǵan reitingte – Qostanai oblysynyń basshysy Arhimed Muhambetov ózgelerden oq boiy ozyq kelgen. Oǵan 2633 adam daýys beripti.
Danial Ahmetovtyń jumysyn jalpy 3991 adam baǵalapty. Ahmetovke 3200 adam dizlaik basqan. Bul arada da ádiletsizdik oryn alǵan syńaily.
Ákimderdiń jumysyn baǵalaityn serviske kibershabýyl jasalǵan nemese biz bilmeitin quityrqylyqqa barǵan.
Másele mynada:
Resmi emes derekkózderden belgili bolǵandai, birneshe ai buryn sait avtorlary ShQO-ǵa kelip, ózderiniń jobalaryna qoldaý suraǵan. Shamasy óńir basshylyǵy olardyń aitqanyna kónbegen sekildi.
Qosymshanyń sipattamasynda ázirleýshiler «aqpan aiynyń sońyna deiin daýystardy sanaýdyń jańa ádisin iske qosamyz jáne barlyq qol jetimdi derekter túzetiledi» dep jazypty.
Negizinde reitingke degen kózqaras jeke, kommertsiialyq emes, analitikalyq bolýy kerek. Bul suraq Qoǵamdyq damý jáne aqparat ministrligine qatysty másele. Bolashaqta Akimy.kz mobildi qosymshasy baǵytyn ózgertip, OLX nemese basqa satý jáne qyzmet kórsetý saityna ainalsa tańǵalmaimyz.
Oleg Chernyshov,
"ShQO Azamattyq Alians" qaýymdastyǵynyń tóraǵasy
