Erteń saǵat 18:00-de «Habar», «Qazaqstan», «Qazsport» jáne «Elarna» telearnalary XXIV Qysqy Olımpıada oıyndarynyń ashylý saltanatyn tikeleı efırde kórsetedi. Sonymen birge, telearnalar qysqy sporttyń eń tanymal jarys túrleri boıynsha translásıalar usynady, – dep habarlaıdy Dalanews.kz QR Aqparat jáne qoǵamdyq damý mınıstrliginiń baspasóz qyzmetine silteme jasap.

Telearnalardyń shyǵarmashylyq toby Beıjińdegi túsirilim jumystaryn bastady. Top quramynda Sochı Olımpıadasynan aqparat taratqan tanymal jýrnalıs Jandos Aıtbaı, «Habar» telearnasynyń jýrnalısi Amır Sámenbetov, «Qazsport» telearnasynyń tilshisi Azat Qadyrbek, operatorlar Dáýren Jurqabaev pen Esenbek Ákimbaı bar.

Qysqy Olımpıadadan otandyq arnalar 220-dan astam translásıa usynady. «Habar» jáne «Elarna» 90-nan astam, «Qazaqstan» jáne «Qazsport» 130 translásıa kórsetedi.

Jarystardy tájirıbeli komentatorlar Aıan Kúshbaev, Raýan Oqas, Evgenıı Akmanov, Erbol Kaırov, Eseı Jeńisuly, Rýslan Baqytjan, Tımýr Súleımenov, Sergeı Raılán, Ersin Erikuly, Ýálıhan Qosanbaı, Samat Qanaǵatov, Aleksandr Oleınık, Dıdar Qadyrov, Danıla Malyshev, Jiger Ázbergen, Ásem Nurlanova, Lılıana Áljanova jáne Indıra Bektenova júrgizedi.

Telearnalar ár jarys kúniniń qorytyndysy boıynsha Olımpıada kúndelikterin usynady.

Teleefırden bólek, Olımpıada oıyndarynyń televızıalyq translásıalary arnalardyń resmı saıty, mobıldi qosymshasy jáne youtube-arnalarynan kórsetiledi.