Eń aldymen, qalanyń birneshe baǵytynan keletin kishi kanaldar kúrdeli jóndeýden ótkizilip, qalaǵa sý tartyldy. Túrkistan aýmaǵynda júzdegen sý arnalary paida boldy. Rýhani-mádeni ortalyq pen Ákimshilik-iskerlik ortalyqta jáne irgeles jatqan aýmaqtaǵy kóshelerde salynatyn joldardyń boiyna jobamen 100 shaqyrym aryqshalar ornatyldy. Bul – Túrkistannyń ekologiiasyn ońaltyp, klimatyn jaqsartý úshin jasalatyn oń qadamdar.
Sýlandyrý jumystaryn júrgizý arqyly qala ishindegi jáne ainalma jol boiynda otyrǵyzylǵan aǵash kóshetteri men jasyl jelekti sýǵarýǵa tolyq múmkindikter bolady. Osy aryqshalardan kelgen sý Kesene aýmaǵynda ornalasqan Tuńǵysh Prezident saiabaǵyndaǵy jasandy kólge kelip quiatyn bolady. Túrkistan áýejaiynyń aýmaǵynda 140 myń jasyl jelek, 200 myń qara órik otyrǵyzyldy. Bul da shahardyń jasyl jelekke oranýyna sep bolmaq.
Qaladaǵy qurylys alańdaryn aralǵan Ómirzaq Estaiuly jańadan boi kótergen «Dendro saiabaq» pen ondaǵy jasandy kóldiń qurylys barysymen tanysty. Jasandy sý aidynynyń qurylysy aiaqtalýǵa jaqyn. Jaqyn kúnderi munda sý keledi.
Túrkistan sáýletshileri oblys ákiminiń tapsyrmasymen jańa sý arnasynyń jobasyn daiyndady. Joba júzege asqan jaǵdaida, uzyndyǵy 9 shaqyrymdy quraityn jańa kanal paida bolady. Osylaisha «Keńsai-Qosqorǵan» sý qoimasynan keletin aǵyn sý
Aita keteiik, Túrkistan qalasyn sýmen qamtamasyz etýde jer beti sýlarymen qatar, jer asty sýlarynyń da mańyzy zor. Jaramsyz bolyp qalǵan 150 tik uńǵymalardy qaita qalpyna keltirý arqyly jylyna qosymsha 190 mln tekshe metr aǵyn sý tapshylyǵyn sheshýge qol jetkiziledi.
