Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Ózbekstan Túrkistanǵa syi retinde 5 myń oryndy záýlim meshit salýda

Dalanews
Ózbekstan Túrkistanǵa syi retinde 5 myń oryndy záýlim meshit salýda
Túrkistan oblysy ákimi Ómirzaq Shókeevtyń tapsyrmasyna sáikes, Túrkistan qalasyndaǵy parking máselesin sheshý boiynsha jumystar qarqyndy júrip jatyr, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.

Búgingi kúni Qoja Ahmet Iasaýi kesenesi ainalasynda 2 myńǵa jýyq kólikke arnalǵan avtoturaq bar. Qazirgi ýaqytta bul baǵytta politsiiamen birlesken jumystar atqarylýda. Oblys basshysy qala aýmaǵyndaǵy atqarylǵan jumystardy pysyqtady.

Túrkistan qalasynda avtoturaqtardyń az bolýy birqatar qiyndyqtar týdyrýda. Atap aitqanda, týrister rýhani-mádeni ortalyq aýmaǵynda ornalasqan avtoturaqtardy tappai, kez-kelgen oryndarǵa avtokólikterin qoiyp, kólik keptelisteri oryn alýda.

Osyǵan orai aimaq basshysyna «Túrkistan turaǵy» jobasy tanystyryldy. Aqyly avtoturaqtar – «retsiz turaq» máselesin sheshýge jáne jaiaý júrginshilerdiń, qoǵamdyq kóliktiń jáne avtomobilderdiń jaily qozǵalysy úshin múmkindik jasaidy.


Qaladaǵy qurylys alańdaryn aralap shyqqan óńir basshysy Túrkistanǵa kireberis jolda salynyp jatqan 5 myń oryndyq záýlim meshittiń qurylys barysymen tanysty. Bul – kúlli túrki áleminiń rýhani astanasy Túrkistan qalasyna Ózbekstan memleketi tarapynan jasalǵan syi. Shyǵys úlgisindegi Islam ortalyǵynyń aýmaǵy 20 myń sharshy metr, ainalasynda 400 oryndyq medrese, kitaphana, ashana, neke saraiy jáne basqa da qosymsha nysandar salynady.

Oblys basshysy Túrkistanda jańadan salynyp jatqan Nazarbaev Ziiatkerlik mektebinde boldy. Qurylysy júrip jatqan bilim uiasynda 720 bala bilim alady. Munda 120 orynǵa arnalǵan jataqhana salynýda. 6 gektar aýmaqqa ornalasqan 3 qabatty jańa bilim ordasynyń jalpy aýmaǵy – 22 myń sharshy metr.

«Batys Eýropa – Batys Qytai» avtojolynan Maikotov kóshesine deiingi avtojoldyń jalpy uzyndyǵy 6,5 shaqyrymdy quraidy. Bul – Sháýildirden tikelei Shymkent baǵytyna shyǵatyn jáne Túrkistan áýejaiyn Ákimshilik-iskerlik ortalyq arqyly jańa Temir jol vokzalyna  kedergisiz qosatyn kúre jol. Joldyń 5,5 shaqyrymyna asfalt tóselip, jaryqtandyrý júiesiniń baǵanalary ornatylǵan. Sýaǵar naýa (lotok) jáne aiaq jol men velo joldar salynýda. Al, jobanyń 1 shaqyrymy M32 Samara-Shymkent avtodálizi men №9 kóshe aralyǵyna ózgeris engizilip, 4 jolaqty joldan 6 jolaqqa aýystyryldy. Osy aýmaqta da túngi jaryqtandyrý júiesi ornatylǵan.
islam túrkistan Ómirzaq Shókeev avtoturaq Batys Eýropa – Batys Qytai Túrkistan turaǵy lotok sýaǵar Madina Sádýaqasova

Oqi otyryńyz