Aýdandaǵy 4 bilim mekemesi «Aýyl El besigi» baǵdarlamasy aiasynda iske asyrylsa, qalǵan 3 mektepke oblystyq biýdjetten qarjy qarastyrylǵan. Jýyrda bir mektep paidalanýǵa berildi. Taǵy bireýiniń jumystary 2024 jylǵa ótpeli. Al, qalǵan 5 mektep qazirgi tańda jóndeýden ótýde.
Túrkistan oblysy ákiminiń orynbasary Beisen Tájibaev Saryaǵash aýdanynda bolyp, atalǵan mektepterdi aralady.
– Mektepterdiń aldaǵy oqý jylyna daiyndyq barysyna monitoring jumystaryn júrgizý úshin tekserý toptaryn uiymdastyrǵan edik. Aýdandarda oryn alýy múmkin máselelerdi ózim arnaiy aralap, kórip shyqtym. Jóndeýden ótip jatqan 20 mektep 15-i 1 qyrkúiekte el igiligine qoldanysqa berilýi tiis.
Saryaǵash aýdanyndaǵy mektepterdiń arasynda jóndeý jumystary bekitilgen kesteden keshikkenderi bar. Ártúrli sebepter aitylady. Áitse de, basty másele kórinip tur. Ol – jumys kúshiniń azdyǵy men salǵyrt qaraý. Qarjy jaǵynan másele joq.
Merdiger mekemeler eki aýysymdyq jumysqa kóshýge ýáde berip otyr. Osyǵan bailanysty qurylys kompaniiasyna qatań eskertý jasadyq, quzyrly mekemeler aiyppul salady. Qaitadan shuǵyl jumysshy top quryp, qadaǵalaityn bolamyz, – dedi Beisen Dáýletuly.
Ákim orynbasarynyń aitýynsha, jaýapty kompaniialar qurylys sharalaryna eń aldymen jumysshylardy qajetinshe tartyp, belgilengen merzimde aiaqtaýǵa mindetti. Óitkeni, oqýshylardyń qalypty oqý protsesinen qalmaýyna jaǵdai jasaýdy kózdelgen. Qandai sebep bolsa da, turaqty bilim alýy shart.
Sirgeli aýylynda ornalasqan №36 Toqmuhamedov atyndaǵy jalpy orta mektebinde shatyr aýystyrý, jylý, elektr júielerin, sondai-aq esik, terezelerdi qalpyna keltirý jumystaryn qosqanda jumystar 75 paiyzǵa aiaqtalǵan. Qyzyljar aýylyndaǵy №75 J.Jabaev atyndaǵy bilim uiasynyń syrtqy qabyrǵasy tolyǵymen metalotserepitsamen qaptalyp, ishki qabyrǵalary qyryp qaita sylandy. Esik-terezeleri men kommýnaldyq júieleri, shatyry aýystyryldy. Jóndeý sharalarynyń 95 paiyzy oryndalǵan.
Yntymaq aýylyndaǵy №8 Aini atyndaǵy jáne Qaplanbektegi №13 Máńgilik el jalpy orta mektebinde ishki qabyrǵalardy árleý, syrlaý jumystary men esik-terezeler, elektr jáne jylý júieleri jańartylýda. Iaǵni 4 mekteptiń kúrdeli jóndeý jumystary kestege sai aiaqtalady.
Al, Kókterek kentinde №16 Panfilov mektebi kesteden keshigýde. Jańa oqý jyly bastalǵanda munda 1300-den astam bala bilim uiasynyń tabaldyryǵyn attaýy qajet.
Jalpy Túrkistan oblysynda 1275 bilim berý mekemesi bar. Onyń 98-i Saryaǵash aýdanynda ornalasqan bolsa, 78-i mektep. Aýdanda 58 myńnan astam oqýshy bilim alady. 1000 mektep baǵdarlamasy aiasynda 3 mekteptiń qurylys-montajdaý jumystary júrgizilip, jyl sońyna deiin qoldanysqa berý josparlanýda. «Jaily mektep» Ulttyq jobasy boiynsha 2023-2025 jyldary aralyǵynda 10 mektep salynady.
Oblys ákiminiń orynbasary Saryaǵash aýdany kóleminde bastaýysh synyptaǵy 30 myń bala qyrkúiekten bastap ystyq tamaqpen qamtylatynyn atap ótti. Tiisti deńgeide uiymdastyrý úshin salaǵa jaýaptylar mektep ashanalarynyń materialdyq-tehnikalyq bazasyn túgeldep shyǵatyn bolatynyn málimdedi.
