Bul týraly Dalanews.kz habarlaidy.
"Rosatom" korporatsiiasynyń basshysy Aleksei Lihachev Resei prezidenti Vladimir Pýtinge Qazaqstandaǵy Býdenovskoe ken ornyn satyp alýǵa qoldaý kórsetkeni úshin alǵys aitty. Bul týraly Kremldiń baspasóz qyzmeti jazdy.
Ol sondai-aq Resei ýran qory boiynsha ekinshi orynǵa shyqqanyn jáne iadrolyq otyn tsiklindegi qaita bólý boiynsha úshtikke kirgenin aitty.
Aita keteiik, Býdenovskoe ken orny - 1970 jyldary ashylǵan álemdegi eń iri ken oryndarynyń biri.
Ken ornynyń eki ýchaskesindegi alǵashqy tehnologiialyq uńǵyma 2021 jyldyń basynda ǵana salyndy. Biyl naýryz aiynda alǵashqy 50 tonna ýran óndirildi.
Osy strategiialyq júristen keiin, 2-3 jyl ainalasynda qazaq jerindegi ýran óndirisi boiynsha Resei Qazatomprommen teńesedi, al 5-7 jylda, eger basqa oiynshylardyń úlesin astyrtyn satyp ala bastasa, tipti bizden artyq óndire bastaýy múmkin.
Rosatom "Býdenovskoe" kenishiniń 49 paiyzyna ielik etetin Stepnogorsk taý-himiia kombinatyn (STHK) Iakov Klebanov pen Vasilii Anisimovtan satyp aldy. @NRG_monitor deregi boiynsha, salyqtardy eseptegende mámile quny 1,6 milliard dollardy quraǵan. Rosatom úshin bul tamasha kelisim. Al Qazaqstanǵa odan esh paida túspedi.
Klebanovtar kezinde osy kombinatty Kárim Másimovtyń kómegimen arzanǵa alǵan edi.
Bul jerdegi basty suraq, nege qolynda basym optsiony bar Qazatompromǵa osy aktsiialardy satyp alýǵa múmkindik berilmedi?
DALA INSIDE telegram arnasynyń habarlaýynsha Rossotrýdnichestvoǵa Rosatomnyń qazaq ýranynyń jartysyn qolyna túsirýine bailanysty negativti jýyp shaiýǵa tapsyrma berilgen.
