Ol úshin eki qala tańdalǵan. Biri – Almaty oblysy, endi biri – Abaı oblysyna qarasty Kýrchatov qalasy. Osy suraqty talqylaý úshin túrli sala mamandary Almatyda bas qosty. Dóńgelek ústelge qatysqan fızık, energetık jáne sarapshylar men ǵalymdar oıyn aıtty.
«Bul másele 2002 jyly bastaý alǵan. Sońǵy eki jyldyń ishinde kún tártibindegi ózekti máselege aınaldy. Sebebi sońǵy jyldary elimizde halyq sany ósip, ekonomıkasy órkendep jatqandyqtan energetıka resýrstarynyń tapshylyǵy da sezile bastady», – dedi Almaty oblystyq ekologıa departamentiniń basshysy Qonysbek Baıedilov.
Al ekologtar óndirgish kúshterdi salý kezinde tabıǵatqa, ekologıa men qorshaǵan ortaǵa keri áser etpeý jaǵyn basshylyqqa alý keregin alǵa tarty. Qazaqstan AES salý boıynsha álem elderiniń tájirıbesine de júgingen.
Atap aıtsaq, Fransıa, Qytaı, Reseı jáne Ońtústik Koreıa syndy eldiń usynys men kemshin tusyn eskeretin bolady.
«Atom elektr stansasy kerek. Biraq ol qaı jerde bolý kerek? Balqash Alakól alabynda sý resýrstary óte tapshy. Qazirgi kezde jetpeı jatyr. Ol jerge biz keleshekte AES salatyn bolsaq, ol Balqash kóliniń bir bóligin alsa, tabıǵat qurıdy, sý tapshy bolady», – dedi tehnıka ǵylymdarynyń doktory Áýelbek Záýirbek.
https://youtu.be/gEn0vbPK6qo
