Búgingi kúni byltyrdan beri Assambleia jiyndarynda jańa formattaǵy paneldik sektsiialar ótkizile bastaǵan. Bul úrdis biyl da jalǵasyn taýyp otyr.
Onyń pikirinshe, uiymnyń jumysynda ózgerister ýaqyt talaby. Sońǵy ýaqytta saiasi oqiǵalar Assambleianyń osy ózgeristerge ilesýin talap ótken.
"Ózderińizge málim, erteń Memleket basshysy Qasym-Jomart Kemelulynyń qatysýymen Qazaqstan halqy Assambleiasynyń kezekti sessiiasynyń ekinshi kúni ótedi. Elimiz úshin saiasi mańyzy zor osy is-sharanyń aldynda kún tártibimen tanysyp aqyldasý úshin ózderińizben arnaiy kezdesip otyrmyz", – dedi osy oraida Aida Balaeva Qazaqstan halqy Assambleiasynyń XXXII sessiiasynda.
Búgingi jiynǵa QHA-nyń músheleri, Aqsaqaldar keńesi, Analar keńesi, Assambleia jastary, Kásipkerler qaýymdastyǵy, ǵylymi-saraptamalyq toptar jáne basqa da sala ókilderi qatysyp, óz pikirlerin ortaǵa saldy.
"Assambleia músheleri, uiymǵa qarasty qurylymdar el múddesine, halyq igiligi jolynda memleketimizde yrysy pen yntymaqty nyǵaitýǵa qomaqty úles qosyp keledi. Ózderińiz biletindei, 2022 jyly elimiz úshin úlken saiasi ózgerister jyly boldy. Onyń nátijesinde memlekettik basqarý qurylymyn tolyǵymen jańǵyrtty. Bul is-sharalardyń bárinde Assambleia janyndaǵy institýttar túgeldei belsendi qatysty.
Osy arqyly árqaisysy elimizdiń jańǵyrýyna óz úlesin qosty. Eń bastysy el birligi synǵa túsken mańyzdy kezeńnen abyroimen óte aldyq. Ishki turaqtylyq jolyndaǵy myzǵymas birligimizdi kórsettik. Bizdiń maqsatymyz bireý - ol memleketimizdiń táýelsizdigin saqtaý. Elimizdiń egemendigi bárimizge ortaq qundylyq, al ony qasterlep saqtaý azamattyq paryz, – dedi Aida Ǵalymqyzy.
