Jańa zańǵa sai 35 jasqa deiingiler de jastar qataryna engizilgendikten, Túrkistan óńirinde jastardyń qatary 700 myńǵa jetti. Al NEET sanatynda 55 myńnan astam jas bar. Joǵary nemese arnaýly bilim almaǵan, jumysqa ornalaspaǵan bul býynnyń máselesin sheshý asa mańyzdy. Óitkeni aýyldarda jumyssyz júrgenderdiń kórsetkishi ósýde.
Túrkistan oblysy ákimi Darhan Satybaldynyń jastar saiasatyn tiimdi júrgizý, olarǵa sapaly bilim berý, jumyspen qamtý jónindegi tapsyrmasymen qolǵa alynǵan bul bastamany jurtshylyq oń baǵalap otyr.
«Jastar resýrstyq ortalyǵynyń» mamandary oblystaǵy zamandastaryna memlekettik qoldaýlar jaiynda kúndelikti túsindirme júrgizýde.
Atap aitsaq, «Alǵashqy jumys orny», «Jastar praktikasy», «Qoǵamdyq jumys», «Áleýmettik jumys orny», «Jasyl el», «Bastaý Biznes», «Diplommen –aýylǵa», «Bolashaq», Stýdenttik qurylys jasaǵy, «Bolashaq», «Serpin-2050: máńgilik el jastary – indýstriiaǵa» memlekettik baǵdarlamalarynan bólek kolledjderge grantqa oqýǵa túsý, 2,5 paiyzdyq jeńildetilgen nesie týraly barlyq málimetter jetkizilip jatyr. Májilis zaldaryndaǵy taptaýryn jinalystar azaidy.
– Memlekettik baǵdarlamalardyń kóbisi elge ashyq, buqaralyq tilde túsindirilmeidi. Qasań, resmi formatta aitylǵandyqtan qoǵamnyń kóp bóligine utymdy jobalarlyń qyr-syry beimálim bolyp qala beredi.
Ásirese jastarǵa qatysty qaptaǵan baǵdarlamalar da sonyń kúiin keshýde.
Sondyqtan túsindirý jumystaryn júrgizýdi qolǵa aldyq. Jumys isteýge qabileti bolǵanymen qushtarlyǵy tómen nemese aýyl sharýashylyǵymen ainalysýdy jón kóretin, tegin bilim alýǵa yntaly emes jastardy tartýdy basty nazarǵa alyp otyrmyz.
NEET sanatyna tirkelgen azamattar jóninde derekterdi jańartyp, keńes júrgizýdi úrdiske ainaldyrý qajet. Eńbekke, kásipkerlikke, bilim men ǵylymǵa beiim jas azamattarymyzdy árqashan qoldaimyz.
Túrkistandyq jastar maqsatqa jetip, naqty nátijege qol jetkizgenshe toqtamaidy, – deidi Túrkistan oblysy ákiminiń orynbasary Beisen Tájibaev
Jalpy 10 kúnde 30 myńnan asa jasqa memlekettik baǵdarlamalar týraly maǵlumattar berilgen.
Memleket basshysynyń tapsyrmasymen 2,9 mlrd teńge Túrkistan oblysynyń jastaryna taratylady.
Qolynan is keletin jańa tolqyn múmkindikten shet qalmaýy tiis. Bul múmkindik te jastarǵa turaqty nasihattalyp jatyr.
Túrkistan oblysy ákiminiń baspasóz qyzmeti
https://dalanews.kz/news/88739-aymaqtarda-qaisar-askeri-patriottyq-oyy
