جاڭا زاڭعا ساي 35 جاسقا دەيٸنگٸلەر دە جاستار قاتارىنا ەنگٸزٸلگەندٸكتەن, تٷركٸستان ٶڭٸرٸندە جاستاردىڭ قاتارى 700 مىڭعا جەتتٸ. ال NEET ساناتىندا 55 مىڭنان استام جاس بار. جوعارى نەمەسە ارناۋلى بٸلٸم الماعان, جۇمىسقا ورنالاسپاعان بۇل بۋىننىڭ مەسەلەسٸن شەشۋ اسا ماڭىزدى. ٶيتكەنٸ اۋىلداردا جۇمىسسىز جٷرگەندەردٸڭ كٶرسەتكٸشٸ ٶسۋدە.
تٷركٸستان وبلىسى ەكٸمٸ دارحان ساتىبالدىنىڭ جاستار ساياساتىن تيٸمدٸ جٷرگٸزۋ, ولارعا ساپالى بٸلٸم بەرۋ, جۇمىسپەن قامتۋ جٶنٸندەگٸ تاپسىرماسىمەن قولعا الىنعان بۇل باستامانى جۇرتشىلىق وڭ باعالاپ وتىر.
«جاستار رەسۋرستىق ورتالىعىنىڭ» ماماندارى وبلىستاعى زامانداستارىنا مەملەكەتتٸك قولداۋلار جايىندا كٷندەلٸكتٸ تٷسٸندٸرمە جٷرگٸزۋدە.
اتاپ ايتساق, «العاشقى جۇمىس ورنى», «جاستار پراكتيكاسى», «قوعامدىق جۇمىس», «ەلەۋمەتتٸك جۇمىس ورنى», «جاسىل ەل», «باستاۋ بيزنەس», «ديپلوممەن –اۋىلعا», «بولاشاق», ستۋدەنتتٸك قۇرىلىس جاساعى, «بولاشاق», «سەرپٸن-2050: مەڭگٸلٸك ەل جاستارى – يندۋستريياعا» مەملەكەتتٸك باعدارلامالارىنان بٶلەك كوللەدجدەرگە گرانتقا وقۋعا تٷسۋ, 2,5 پايىزدىق جەڭٸلدەتٸلگەن نەسيە تۋرالى بارلىق مەلٸمەتتەر جەتكٸزٸلٸپ جاتىر. مەجٸلٸس زالدارىنداعى تاپتاۋرىن جينالىستار ازايدى.
– مەملەكەتتٸك باعدارلامالاردىڭ كٶبٸسٸ ەلگە اشىق, بۇقارالىق تٸلدە تٷسٸندٸرٸلمەيدٸ. قاساڭ, رەسمي فورماتتا ايتىلعاندىقتان قوعامنىڭ كٶپ بٶلٸگٸنە ۇتىمدى جوبالارلىڭ قىر-سىرى بەيمەلٸم بولىپ قالا بەرەدٸ.
ەسٸرەسە جاستارعا قاتىستى قاپتاعان باعدارلامالار دا سونىڭ كٷيٸن كەشۋدە.
سوندىقتان تٷسٸندٸرۋ جۇمىستارىن جٷرگٸزۋدٸ قولعا الدىق. جۇمىس ٸستەۋگە قابٸلەتٸ بولعانىمەن قۇشتارلىعى تٶمەن نەمەسە اۋىل شارۋاشىلىعىمەن اينالىسۋدى جٶن كٶرەتٸن, تەگٸن بٸلٸم الۋعا ىنتالى ەمەس جاستاردى تارتۋدى باستى نازارعا الىپ وتىرمىز.
NEET ساناتىنا تٸركەلگەن ازاماتتار جٶنٸندە دەرەكتەردٸ جاڭارتىپ, كەڭەس جٷرگٸزۋدٸ ٷردٸسكە اينالدىرۋ قاجەت. ەڭبەككە, كەسٸپكەرلٸككە, بٸلٸم مەن عىلىمعا بەيٸم جاس ازاماتتارىمىزدى ەرقاشان قولدايمىز.
تٷركٸستاندىق جاستار ماقساتقا جەتٸپ, ناقتى نەتيجەگە قول جەتكٸزگەنشە توقتامايدى, – دەيدٸ تٷركٸستان وبلىسى ەكٸمٸنٸڭ ورىنباسارى بەيسەن تەجٸباەۆ
جالپى 10 كٷندە 30 مىڭنان اسا جاسقا مەملەكەتتٸك باعدارلامالار تۋرالى ماعلۇماتتار بەرٸلگەن.
مەملەكەت باسشىسىنىڭ تاپسىرماسىمەن 2,9 ملرد تەڭگە تٷركٸستان وبلىسىنىڭ جاستارىنا تاراتىلادى.
قولىنان ٸس كەلەتٸن جاڭا تولقىن مٷمكٸندٸكتەن شەت قالماۋى تيٸس. بۇل مٷمكٸندٸك تە جاستارعا تۇراقتى ناسيحاتتالىپ جاتىر.
تٷركٸستان وبلىسى ەكٸمٸنٸڭ باسپاسٶز قىزمەتٸ
https://dalanews.kz/news/88739-aymaqtarda-qaisar-askeri-patriottyq-oyy
