Taiaýda AQSh-tyń Florida shtatyndaǵy Orlando qalasynda ótken FETC-2024 (Future of Education Technology Conference) kórmesine Abai ýniversitetiniń zertteýshi-professory Janat Nurbekova qatysty, – dep habarlaidy Dalanews.kz.
FETC-2024 kórmesi qatysýshylardy bilim berý tehnologiiasynyń sońǵy jetistikterimen tanystyryp, olarmen tikelei ózara árekettesýge múmkindik berdi.
Kórme EDTECH salasyndaǵy jetekshi ázirleýshiler men innovatorlardyń innovatsiialyq ónimderi men sheshimderin kórsetýge arnalǵan ashyq alań usyndy. Bul bilim berý mamandary, muǵalimder men professorlar úshin IT-venderlermen tikelei bailanys ornatýdyń, oqý úderisine jańa tehnologiialardy engizý joldaryn talqylaýdyń jáne sarapshylardan qundy usynystar alýdyń biregei múmkindigi.
Qatysýshylar bul innovatsiialardy belsendi túrde synap, olardyń artyqshylyqtaryn jáne ázirleýshilermen olardy bilim berý ortasynda paidalaný múmkindikterin talqylai aldy.
Sonymen qatar, kórme tájiribe men ideialarmen almasýǵa yqpal etetin ár túrli elder men salalardyń mamandary arasyndaǵy jelilik ózara árekettesý alańyna ainaldy.
Bul bilim berý tehnologiialary salasyndaǵy jahandyq yntymaqtastyqqa yqpal etetini, sondai-aq bolashaq seriktestikter men jobalar úshin jańa kókjiekter ashatyny sózsiz. Kórme alańyndaǵy ártúrli sheberlik sabaqtar, seminarlar men paneldik pikirtalastar EDTECH salasyndaǵy trendter men syn-qaterlerdi tereńirek túsinýge múmkindik beredi.
Abai ýniversitetiniń zertteýshi-professory Janat Nurbekova AI IMAGE generatorlaryn paidalaný taqyryptary, bilim berý protsesinde AI-bottardyń múmkindikteri jáne zertteýge arnalǵan AI-quraldardy qoldanýdyń úzdik tájiribeleri, sondai-aq AR/VR, AI-men integratsiialanǵan jańa múmkindikteri, naqty ýaqytta baǵalaýda Google quraldar men qyzmetteriniń interaktivti oqytýdyń didaktikalyq múmkindikteri qamtylǵan bilim berýde jasandy intellektti qoldanýǵa arnalǵan mega-sessiialarǵa kásibi qyzyǵýshylyǵyn atap ótti.
Elimiz úshin bilim berýdegi jasandy intellekt (AI) taqyrybynyń ózektiligi eki salalyq ministrlikterdiń, ýniversitet basshylarynyń qatysýymen, sondai-aq olardyń AI dáýirindegi bilim berý júiesin tsifrlyq transformatsiialaýdaǵy mańyzdy qadamdarymen erekshelenedi. Bul zertteýshiler men innovatorlardy jańa ideialardy batyl júzege asyrýǵa yntalandyrady.
