Ulttyq Olimpiada komitetiniń prezidenti laýazymyna boksshy Gennadii Golovkinniń kandidatýrasy usynyldy. Tiisti qujat Tengri Sport redaktsiiasyna túsken, - dep habarlaidy Dalanews.kz.
Qujattan 14 aqpanda QR Ulttyq Olimpiada komitetiniń Táýelsiz sailaý komissiiasynyń otyrysy ótkeni belgili boldy. Shara barysynda, atap aitqanda, prezidenttikke kandidattardy usyný nysandary qaraldy.
"Federatsiialar UOK prezidenttigine Gennadii Gennadevich Golovkinniń kandidatýrasyn usyndy", - delingen komitettiń UOK bas assambleiasynyń múshelerine joldaǵan resmi hatynda.
Qysqy sport túrleri jónindegi vitse-ministr qyzmetine Asqar Maminniń kandidatýrasy da usynyldy.
Eske salaiyq, 5 aqpanda Qulybaevtyń Olimpiada komitetindegi ornyn Golovkin basady degen sybys taraǵan bolatyn.Bul týraly saiasattanýshy, sarapshy Erbol Edilov telegram arnasynda aitty.
Buǵan deiin jelide eks-prezident Nursultan Nazarbaevtyń kúieýbalasy Timýr Qulybaev Ulttyq Olimpiada komiteti tóraǵasy qyzmetinen ketedi degen aqparat taraǵan bolatyn. Bul týraly "Chemodan gossekretov" telegram arnasynda jazylǵan.
Telegram arna málimetinshe,bul Tokio men Aziada Olimpiadasyndaǵy sátsizdikterge bailanysty.
Sonymen qatar, jazbada Keńes Raqyshev te boks federatsiiasynyń basshysy qyzmetinen ketetini aitylǵan bolatyn. Sol kúni, 5 aqpanda boljam dál kelip, Raqyshev qyzmetinen ketip, ornyna Shahmurat Mútálip taǵaiyndaldy.
