ۇلتتىق وليمپيادا كوميتەتىنىڭ پرەزيدەنتى لاۋازىمىنا بوكسشى گەنناديي گولوۆكيننىڭ كانديداتۋراسى ۇسىنىلدى. ءتيىستى قۇجات Tengri Sport رەداكسياسىنا تۇسكەن، - دەپ حابارلايدى Dalanews.kz.
قۇجاتتان 14 اقپاندا ق ر ۇلتتىق وليمپيادا كوميتەتىنىڭ تاۋەلسىز سايلاۋ كوميسسياسىنىڭ وتىرىسى وتكەنى بەلگىلى بولدى. شارا بارىسىندا، اتاپ ايتقاندا، پرەزيدەنتتىككە كانديداتتاردى ۇسىنۋ نىساندارى قارالدى.
"فەدەراسيالار ۇوك پرەزيدەنتتىگىنە گەنناديي گەنناديەۆيچ گولوۆكيننىڭ كانديداتۋراسىن ۇسىندى"، - دەلىنگەن كوميتەتتىڭ ۇوك باس اسسامبلەياسىنىڭ مۇشەلەرىنە جولداعان رەسمي حاتىندا.
قىسقى سپورت تۇرلەرى جونىندەگى ۆيسە-مينيستر قىزمەتىنە اسقار ءماميننىڭ كانديداتۋراسى دا ۇسىنىلدى.
ەسكە سالايىق، 5 اقپاندا قۇلىبايەۆتىڭ وليمپيادا كوميتەتىندەگى ورنىن گولوۆكين باسادى دەگەن سىبىس تاراعان بولاتىن.بۇل تۋرالى ساياساتتانۋشى، ساراپشى ەربول ەدىلوۆ تەلەگرام ارناسىندا ايتتى.
بۇعان دەيىن جەلىدە ەكس-پرەزيدەنت نۇرسۇلتان نازاربايەۆتىڭ كۇيەۋبالاسى تيمۋر قۇلىبايەۆ ۇلتتىق وليمپيادا كوميتەتى ءتوراعاسى قىزمەتىنەن كەتەدى دەگەن اقپارات تاراعان بولاتىن. بۇل تۋرالى "چەمودان گوسسەكرەتوۆ" تەلەگرام ارناسىندا جازىلعان.
تەلەگرام ارنا مالىمەتىنشە،بۇل توكيو مەن ازيادا وليمپياداسىنداعى ساتسىزدىكتەرگە بايلانىستى.
سونىمەن قاتار، جازبادا كەڭەس راقىشيەۆ تە بوكس فەدەراسياسىنىڭ باسشىسى قىزمەتىنەن كەتەتىنى ايتىلعان بولاتىن. سول كۇنى، 5 اقپاندا بولجام ءدال كەلىپ، راقىشيەۆ قىزمەتىنەن كەتىپ، ورنىنا شاحمۇرات ءمۇتالىپ تاعايىندالدى.
