Saiasatker Ǵalymjan Jaqiianov marqum Altynbek Sársenbaiulynyń ólimine qatysty shyndyq nege ashylmai jatqanyn aitty, - dep habarlaidy Dalanews.kz.
Jaqiianov Altynbek Sársenbaiulynyń ólimine qatysty shyndyq áli kúnge deiin ashylmaǵanyn aitty.
"Keshe Altekeńniń qaza bolǵanyna 18 jyl toldy. Áli kúnge deiin shyndyq ashylmady, tarihi ádilet ornamady. Aqorda isti qaita tergeýge talpynyp otyrǵan joq. Qoǵam men ziialy qaýym tarapynan, mediada bilikke isti qaita qaraý týraly talap qoiý baiqalmaidy. Dese de Azattyq radiosy "Altynbekti kim atty?", "Kim attyrdy?" degen suraqqa jaýap izdeý umtylysyn turaqty jasap keledi. Sol talpynysty Azattyq redaktsiiasy biyl da jasady. Jýrnalist Manas Qaiyrtaiulymen Altynbek Sársenbaiulynyń ólimine qatysty jaittardy jaqynda talqylaǵan edik.
2013 jyly Boston qalasynda AQSh federaldyq tergeý biýrosy (FBI) agentterimen kezdeskenmin. Altynbektiń qazasy jaily áńgime bolǵan. Sol kezdesýden túigenim – "FBR" osy qylmysty jan-jaqty zerttep, nátijesin Qazaqstanǵa tapsyrǵan.
"Altekeń avtoritarlyq bilik elimizdiń kósegesin kógertpeitinin jaqsy bildi. Sol úshin de ádiletsiz saiasi júiege qarsy turdy. Sol jolda sheiit boldy. Qazirgi jaǵdaida Nazarbaev tusyndaǵy saiasi ólimderdi qaita qaramai, Altekeńniń atyn mektepke berip, Zákeńe (Zamanbek Nurqadilov) eskertkish turǵyzyp, olardyń táýelsiz Qazaqstan tarihyndaǵy ornyna ádiletti baǵa berilýi múmkin emes. Shyndyqty biletin kýágerler faktini aitýdan áli de qorqady. Bul Qazaqstandaǵy avtoritarlyq júieniń ózgerissiz qalǵanyn kórsetedi. Elde shynaiy saiasi ózgeris bolǵan kezde ǵana Zákeń men Altekeńe bailanysty qylmystar ashylyp quqyqtyq, saiasi jáne tarihi baǵa beriledi. Sonda ǵana ádilettikke jol ashyldy dep aita alamyz. Ondai zaman azamattyq qoǵamnyń belsendi qatysýynsyz kelýi múmkin emes", - deidi Ǵalymjan Jaqiianov.
Edil Ábikenov osy oqiǵadan keiin 5 áriptesimen birge sottalǵan, ózi túrmede 12 jyl otyryp shyqty. Sondai-aq ol Altynbek Sársebaiulynyń isine qatysty aitylmaǵan dúnieler áli de kóp ekenin jáne jaqyn ýaqytta ol ashyq jariia bolmaitynyn jetkizdi.
