Qorǵanys ministrliginde biýdjet qarajatynyń jumsalý tiimdiligine qatysty jospardan tys aýqymdy aýdit júrgizilip jatyr, dep habarlaidy dalanews.kz.
Bul týraly Prezident Qasym-Jomart Toqaevqa Joǵary aýditorlyq palatanyń tóraǵasy Álihan Smaiylov baiandady.
Aýdit 50 nysandy, onyń ishinde 48 áskeri bólimdi qamtidy. Tekserýge memlekettik aýdit mamandarymen qatar IT jáne bailanys salasynyń sarapshylary tartylǵan.
Aýdit barysynda Qarýly kúshterdiń materialdyq-tehnikalyq qamtamasyz etilýi, áskeri qyzmetshilerdiń daiarlyǵy, oqý-jattyǵýlardyń ótkizilýi, áskeri infraqurylymnyń damýy, qarý-jaraq pen áskeri tehnikanyń jańǵyrtylýy jáne tsifrlyq júielerdiń jumysy baǵalanady.
Sonymen qatar memleket qorǵanysy salasyndaǵy tapsyrystarǵa júrgizilgen aýdittiń nátijeleri Prezidentke tanystyryldy. Tekserý qorytyndysy boiynsha anyqtalǵan zań buzýshylyqtardy joiý úshin Úkimet pen memlekettik organdarǵa 57 usynym men tapsyrma berilgen.
Kezdesýde ekonomikalyq jáne áleýmettik salalardaǵy josparly aýditorlyq tekseristerdiń barysy da qaraldy.
Álihan Smaiylov sondai-aq Astanada ótken Aziia joǵary aýdit organdary uiymy Basqarma keńesiniń 63-otyrysynyń qorytyndysyn baiandady. Jiynǵa 19 eldiń ókilderi qatysqan.
Kezdesý sońynda Memleket basshysy Qorǵanys ministrligindegi aýditti júrgizýge jáne memlekettik aýdit júiesin jetildirýge qatysty birqatar tapsyrma berdi.
