Qazaqstannyń ádilet vitse-ministri bolyp Aidar Jarylǵanov taǵaiyndaldy, dep habarlaidy dalanews.kz.
Tiisti sheshimdi Qazaqstan Respýblikasynyń Úkimeti qabyldady.
Aidar Jarylǵanov 1978 jyly Semei qalasynda dúniege kelgen. «Semei» memlekettik ýniversitetin jáne «Ádilet» joǵary quqyq mektebin támamdaǵan.
Eńbek jolyn 1999 jyly Astanadaǵy «Aq Orda» jobalaý-qurylys kompaniiasynda injener bolyp bastaǵan. Keiin Memlekettik kirister ministrligi men Qarjy ministrliginiń júiesinde, sondai-aq Prezident Ákimshiliginde túrli qyzmetter atqarǵan.
2008–2023 jyldary Prezident Ákimshiliginiń memlekettik quqyq bóliminde sarapshy, konsýltant, inspektor jáne sektor meńgerýshisi bolyp jumys istedi.
2023 jyldyń qańtarynan osy ýaqytqa deiin Prezident Ákimshiliginiń memlekettik-quqyqtyq bólimin basqardy.
